ސަރުކާރުން ހާމަކޮށްފައިވާ އެންމެ އާ މައުލޫމާތުތަކަށް ބަލާއިރު، މި ޕްރޮގްރާމް ފެށުނުފަހުން މިއަދާ ހަމައަށް އިންދާފައިވަނީ ޖުމްލަ 658،294 ގަހެވެ. މިއީ ސަރުކާރުން ކަނޑައަޅާފައިވާ ބޮޑު އަމާޒާ އަޅާ ބަލާއިރު ވަރަށް ކުޑަ އަދަދެކެވެ.
މި ޕްރޮގްރާމަކީ ރާއްޖޭގެ ފެހިކަން އިތުރުކޮށް، ތިމާވެށީގެ ނިޒާމު ހިމާޔަތްކުރުމުގެ މަގުސަދުގައި ރައީސް މުއިއްޒު "ކޮޕް28" ގައި އިއުލާން ކުރެއްވި މުހިންމު ވައުދެކެވެ. މި ޕްރޮގްރާމް ރަސްމީކޮށް ފަށާފައިވަނީ ދުނިޔޭގެ ތިމާވެށީގެ ދުވަހުއެވެ. ގަސް އިންދުނު އަދަދު މިހާރު ދަށް ނަމަވެސް، ސަރުކާރު ހިއްސާވާ ކުންފުނިތަކާއި އަމިއްލަ ފަރާތްތަކުން ވަނީ މި ޕްރޮގްރާމަށް ބޮޑު ތަރުހީބެއް ދީފައެވެ. އެގޮތުން، ފަސް މިލިއަން ގަސް އިންދުމަށް ކަނޑައެޅި ނަމަވެސް، އެކި ފަރާތްތަކުން ޖުމްލަ 6.4 މިލިއަން ގަސް އިންދުމަށް ވަނީ ވައުދުވެފައެވެ.
ސަރުކާރުގެ އަމާޒަކީ މިއަހަރު ނިމުމުގެ ކުރިން ދެ މިލިއަން ގަސް އިންދުމެވެ. މި ޕްރޮގްރާމުގެ އެންމެ ހާއްސަ އެއް ބަޔަކީ ރާއްޖެއިން ނެތިގެންދާކަމަށް ފާހަގަކުރެވިފައިވާ 90 ބާވަތެއްގެ ގަސް އަލުން އާލާކުރުމަށް އިސްކަން ދިނުމެވެ. ސަރުކާރުން ބުނީ އަވައްޓެރި ގައުމުތަކުން ވެސް މި ޕްރޮގްރާމަށް ގަސް ހަދިޔާކުރަމުން އަންނަ ކަމަށާއި، މި ގައުމީ މަސައްކަތުގައި ހުރިހާ ރައްޔިތުން ވެސް
