މަޖިލީހުގައި 93 މެންބަރުން ތިބޭއިރު މިހާތަނަށް 24 މެމްބަރެއްގެ ބަޔާން ވަނީ އާއްމުކޮށް މަޖިލީހުގެ ވެބްސައިޓަށް ވަނީ އާއްމުކޮށްފައެވެ. ބާކީ ހުރު މެމްބަރުންގެ ބަޔާންތައްވެސް ވަރަށް އަވަހަށް ވެބްސައިޓުން ފެންނާނެކަމަށް ރައްޔިތުން މަޖލީހުން ބުނެއެވެ.
މަޖިލީހުގެ ގަވާއިދަށް މި މަޖިލީހުން ވަނީ ބަދަލު ގެނެސްފައެވެ. އެ ބަދަލަކީ މެމްބަރުކަމަށް އައްޔަންވުމުން އެއް އަހަރު ފަހުން މާލީ ބަޔާން ހުށަހަޅަންޖެހޭ ގޮތަށެވެ. އަދި ނިންމީ ބަޔާން ދޭންޖެހޭނީ ކޮންމެ އަހަރެއްގެވެސް އޯގަސްޓު 31، ގެ ނިޔަލަށް ކަމަށެވެ.
މިހާރު އާއްމުކޮށްފައިވާ ބަޔާންތަކުން ފެންނަނީ ގިނަ އަދަދެއްގެ މެންބަރުންގެ ބޭންކު އެކައުންޓުގައި ހުރީ ނިސްބަތުން ވަރަށް މަދު ފައިސާއެކެވެ. އަދި ގިނަ މެމްބަރުން ބޮޑެތި އަދަދުތަކުން ލޯނު ނަގާފައިވާކަން މާލީ ބަޔާންތަކުން ފާހަގަކުރެވެއެވެ.
