މޯލްޑިވިއަނުން ބުނީ މިމަހުގެ 11 ވަނަ ދުވަހު ކަމަދޫއަށް ސީޕްލޭންގެ ޝެޑިއުލް ދަތުރުތައް ފަށާނެ ކަމަށެވެ. އެގޮތުން އެދުވަހުން ފެށިގެން ކޮންމެ ހަފުތާއެއްގެވެސް ހޮނިހިރު ދުވަހާއި ބުރާސްފަތި ދުވަހު އެރަށަށް ސީޕްލޭން ދަތުރުތައް އޮންނާނެކަމަށެވެ.
ކަމަދޫއަށް ސީޕްލޭން ދަތުރުތައް ފަށަން ފުރަތަމަ ފްލައިޓް މިއަދު ވަނީ އެރަށަށް ޖައްސާފައެވެ. މި ފްލައިޓުން ކަމަދޫއަށް ދިޔަ ދެ ފަތުރުވެރިންނަށް ވަނީ ހޫނު މަރުހަބާ އެއް ކިޔާފައެވެ.
ކަމަދޫއަށް ޖެއްސި ފުރަތަމަ ސީ ޕްލޭނުން އެރަށް ދިޔަ ފަތުރުވެރިންނަށް މަރުހަބާ ކިޔަނީ
މޯލްޑިވިއަނުން ކަމަދޫއަށް ސީ ޕްލޭންގެ ހިދުމަތް ފަށަނީ ހޯކްސް ހޮޓެލާއި ގުޅިގެންނެވެ. އެކަމުގެ އެއްބަަސްވުމުގައި ސޮއިކުރީ މިދިޔަ މަހުގެ 11 ވަނަދުވަހުއެވެ.
ކަމަދޫއަށް ސީ ޕްލޭންގެ ހިދުމަތް ފަށަން ހޯކްސް ހޮޓެލާއި އެކު މޯލްޑިވިއަނުން އެއްބަސްވުމުގައި ސޮއިކޮށްފައިވަނީ ރައީސް މުއިއްޒު މިހާރު ބ. އަތޮޅަށް ކުރައްވި ދަތުރުފުޅުގެ ތެރެއިންނެވެ.
ކަމަދޫގެ ގިނަ ބަޔަކު ބައިވެރިވި ރަސްމިއްޔާތުގައި، މި އެއްބަސްވުމުގައި މޯލްޑިވިއަންގެ ފަރާތުން ސޮއި ކުރެއްވީ މެނޭޖިން ޑިރެކްޓަރު އިބްރާހިމް އިޔާސް އެވެ. ހޯކްސް ހޮޓެލްގެ ފަރާތުން ސޮއި ކުރެއްވީ ހޯކްސް ކުންފުނީގެ ޖެނެރަލް މެނޭޖަރު ހުސައިން އަމާން އެވެ
