މަޖިލީހުގެ ގަވައިދާ އެއްގޮތަށް މާލީ ބަޔާން ހުށަނާޅާތީ ނޯޓިސް ދިން މެމްބަރުން މާލީ ބަޔާންތައް އާއްމުކޮށްފިއެވެ.
Advertisement
20 ވަނަ ރައްޔިތުން މަޖިލީހުން ގަވައިދަށް ގެނައި ބަދަލާއި އެކު މިހާރު ތިއްބެވި މެމްބަރުންގެ މާލީ ބަޔާންތައް ހުށައަޅަންޖެހޭ އެންމެ ފަހުގެ ތާރީހަކީ އޮގަސްޓް 31 އެވެ. އެހެންނަމަވެސް އެ މުއްދަތު ހަމަވިއިރުވެސް މަޖިލީހުގެ ފަސް މެމްބަރު ވަނީ މާލީ ބަޔާން ހުށަނާޅައެވެ. އެހެންވެ މަޖިލިހުން ވަނީ 15 ދުވަހުގެ ނޯޓިސް އެ މެމްބަރުންނަށް ދީފައެވެ.
މާލީ ބަޔާން ހުށަނާޅާ މެމްބަރުން
- ފޭދޫ އުތުރު ދާއިރާގެ މެމްބަރު އިސްމާއީލް ނިޒާރު / ( ވެރިކަންކުރާ ޕީއެންސީ)
- މައްޗަންގޮޅި މެދު ދާއިރާ މެމްބަރު އަހުމަދު ޒަމީރު / (ވެރިކަންކުރާ ޕީއެންސީ)
- މާފަންނު ހުޅަނގު ދާއިރާގެ މެމްބަރު މުސްތަފާ އިބްރާހީމް / (ވެރިކަންކުރާ ޕީއެންސީ)
- ކުރެންދޫ ދާއިރާގެ މެމްބަރު މުހައްމަދު ޝާހީން / (ވެރިކަންކުރާ ޕީއެންސީ)
- މާފަންނު އުތުރު ދާއިރާގެ މެމްބަރު މުހައްމަދު ނާޒިމް / (އެމްއެންއެފް)
މި ފަސް މެންބަރުންގެ މާލީ ބަޔާން ހުށަހެޅުމުން މަޖިލީހުގެ ވެބްސައިޓަށް މިހާރު އަޕްލޯޑް ކޮށްފައި އެބަހުއްޓެވެ.
