އެ ޕޯސްޓުގެ ކެޕްޝަންގައި ދީޕިކާ ލިޔެފައިވަނީ، ޝާހްރުކް އާއެކު އޭނާ ފިލްމު ކުޅެން ފެށި ދުވަސްތަކުގެ ހަނދާންތައް އާ ކޮށްފަ އެވެ. އޭނާ ވަނީ ފިލްމެއް ހެދުމުގެ ތަޖުރިބާ އާއި އެކަމުގައި ހިމެނޭ މީހުންނަކީ އެ ފިލްމެއް ކާމިޔާބުވުމަށް ވުރެ މާ މުހިންމު ކަމެއް ކަމަށް ބުނެފަ އެވެ.
މި މެސެޖު ދިން ވަގުތާއި އޭގެ ރާގު ގުޅުވައިގެން، މިއީ "ކަލްކީ" ޓީމަށް ދިން ހަމަލައެއް ކަމަށް ފޭނުން ގަބޫލު ކުރެ އެވެ. މިގޮތަށް ބެލެވެނީ، އޭނާ އެ ފިލްމުން ވަކިކުރީ "ކޮމިޓްމެންޓްގެ މައްސަލަތަކެއް" ހުރުމުން ކަމަށް ރިޕޯޓްތައް ބުނަމުންދާތީ އެވެ.
ސޯޝަލް މީޑިއާ ބޭނުންކުރާ މީހުން، ހާއްސަކޮށް ރެޑިޓްގައި، ދީޕިކާގެ މި ޕޯސްޓަކީ ސީދާ ކުރިމަތިލުމެއް ނެތި ދިން ރީތި ރައްދެއް ކަމަށް ބުނެ އޭނާއަށް ތައުރީފްކޮށްފައި ވެއެވެ. އަދި މި ޕޯސްޓަކީ ޝާހްރުކް އާއެކު އޭނާގެ ކުރިއަށް ހުރި ފިލްމު "ކިންގް" ގެ ޓީޒާއެއް ވެސް ކަމަށް ގިނަ ބަޔަކު ދެކެ އެވެ.
ދީޕިކާ "ކަލްކީ" ގެ މައްސަލައާ ބެހޭގޮތުން ސީދާ އެއްޗެއް ނުބުނި ނަމަވެސް، އޭނާގެ ބަސްތަކުން ގިނަ ކަންތައްތައް ހާމަވެ އެވެ. އަދި ފޭނުން ވެސް މިކަމަށް ވަރަށް ބޮޑު ސަމާލުކަމެއް ދީފައި ވެއެވެ.
