"ލޫޓުވައިފި، ލޫޓުވައިފި"ގެ ނަމުގައި ރޭ އެމްޑީޕީން ބޭއްވި އެއްވުމުގައި ސަރުކާރަށް ޑިމާންޑްތަކެއް ކޮށްފައިވާއިރު، އެ އެއްވުމަކީ ސަރުކާރު ހަމަ މަގަށް އެޅުވުމަށް ދިން "އިންޒާރެއް" ކަމަށް އެ ޕާޓީން ވަނީ ބުނެފަ އެވެ.
އެ އެއްވުން ކުރިއަށް ގެންދަން ފުލުހުން ހުރަސްއެޅިއިރު، އެކަމާ ކުށްވެރިކޮށް މިރޭ ބޭއްވި ގައުމީ މަޖިލީހަށް ހޯރަފުށީ ދާއިރާގެ ކުރީގެ މެންބަރު އަހުމަދު ސަލީމް ވަނީ ގަރާރެއް ހުށަހަޅުއްވައިފަ އެވެ. އެ ގަރާރުގައި ގޮވާލާފައިވަނީ ރޭގެ މުޒާހަރާއިން ހައްޔަރުކުރި 15 މީހުން ދޫކޮށްލުމަށެވެ.
މީގެ އިތުރުން، ރައްޔިތުންގެ އަސާސީ ހައްގުތައް ދިފާއުކުރަން އެމްޑީޕީން ކުރަމުން އަންނަ މަސައްކަތް ހުއްޓާނުލުމަށާއި ރޭގެ މުޒާހަރާގައި ކުރި ޑިމާންޑްތަކަށް ސަރުކާރުން އިޖާބަ ނުދޭ ނަމަ، އަންނަ ނޮވެމްބަރު މަހުގެ 17 ވަނަ ދުވަހު އެމްޑީޕީން ބޮޑު މުޒާހަރާއެއް ކުރަން އިގުރާރުވުމަށް ވެސް ގަރާރުގައި ވަނީ ބަޔާންކޮށްފަ އެވެ. ގައުމީ މަޖިލިހަށް ވަޑައިގަތް ހުރިހާ މެންބަރުންގެ އިއްތިފާގުން ވަނީ ގަރާރު ފާސްކޮށްފަ އެވެ.
ރޭ މަގުތަކަށް ނުކުތުމުގެ ކުރިން، މުޒާހަރާގައި ވާހަކަ ދައްކަވަމުން، ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު މުޒާހަރާގެ ބައިވެރިންގެ ފަރާތުން ސަރުކާރަށް ކުރާ ޑިމާންޑްތައް އިއްވެވި އެވެ. އެއީ:
އެ ޑިމާންޑުތައް ހުށަހަޅުއްވަމުން ރައްޔިތުންގެ މަޖިލީހުގެ ކެންދޫ ދާއިރާގެ މެންބަރު މައުރޫފް ޒާކިރު، ވިދާޅުވީ، ރައްޔިތުން ރޭ އެއްވީ ސަރުކާރާ މެދު ހިތްހަމަނުޖެހި ކަމަށެވެ.
މުޒާހަރާގެ ބައިވެރިން ވަނީ ރައީސް ޑރ. މުހައްމަދު މުއިއްޒާއި ސަރުކާރުގެ އިސްވެރިންގެ އިސްތިއުފާއަށް ގޮވާފަ އެވެ. މުޒާހަރާ ނިންމާލަންދެން ކުރީގެ ރައީސް އިބްރާހީމް މުހައްމަދު ސޯލިހާއި އެމްޑީޕީގެ ރައީސް އަބްދުﷲ ޝާހިދާއި އެމްޑީޕީގެ ޗެއާޕާސަން ފައްޔާޒު އިސްމާއީލާއި އަދާލަތު ޕާޓީގެ ރައީސް އިމްރާން އަބްދުﷲ އާއި އެމްޑީޕީގެ މަޖިލިސް މެންބަރުންނާއި ގައުމީ މަޖިލީހުގެ މެންބަރުންނާއި ގިނަ އަދަދެއްގެ އާންމުން ބައިވެރިވި އެވެ.
