ގަލޮޅު އުތުރު ދާއިރާގެ މެންބަރު މުހައްމަދު އިބުރާހިމް (ކުޑޫ) ހުށަހެޅުއްވި މި ބިލު ބޭރުކޮށްލީ ވޯޓުގައި ބައިވެރިވި 57 މެންބަރުންގެ ތެރެއިން 52 މެންބަރުންގެ އަގުލަބިއްޔަތުންނެވެ.
މި އިސްލާހުގެ މައިގަނޑު މަގުސަދަކީ، ބޮޑު ބައްޔެއް ޖެހި، ފަރުވާއަށް ފައިސާ ބޭނުންވެފައިވާ މީހުންނަށް، އެމީހުންގެ އަމިއްލަ ޕެންޝަން ފައިސާ ބޭނުންކުރުމުގެ ފުރުސަތު ހުޅުވާލުމެވެ. އިސްލާހުގައިވާ ގޮތުން، ފައިސާ ދޫކުރެވޭނީ މެޑިކަލް ކައުންސިލުގައި ރަޖިސްޓްރީކޮށްފައިވާ ޑޮކްޓަރެއްގެ ލިއުމަކާއެކު، ޕެންޝަން އޮފީހުގެ ދަށުން ގާއިމުކުރާ ތިން މެޑިކަލް ސްޕެޝަލިސްޓުންގެ ޕެނަލަކުން އެކަން ކަށަވަރު ކުރުމަށް ފަހުއެވެ. މިގޮތަށް ހުށަހަޅާ މީހެއްގެ އެކައުންޓުގައި ހުރި ހުރިހާ ފައިސާއެއްވެސް ބޭސްފަރުވާއަށް ދޫކުރެވޭނެ ގޮތް މި ބިލުގައި ހިމަނާފައިވެއެވެ.
މިހާރު އަމަލުކުރާ ޕެންޝަން ގާނޫނު ބުނާގޮތުން، ރިޓަޔާމަންޓް ސޭވިން އެކައުންޓުގައި ހުރި ފައިސާ ދޫކުރެވެނީ ޕެންޝަން ލިބޭ އުމުރު ހަމަވުމުން އެކަންޏެވެ. ނަމަވެސް، ހުށަހެޅި އިސްލާހަށް މަޖިލީހުގެ ތާއީދު ލިބިފައެއް ނުވެއެވެ. މި ބިލު ބަލައިގަތުމަށް ވޯޓު ދެއްވީ އެންމެ ފަސް މެންބަރުންނެވެ. މި ބިލު ފާސްނުވުމުގެ ސަބަބުން، ބޮޑެތި ބަލިތަކަށް ފަރުވާ ހޯދުމަށް ފައިސާއަށް ޖެހިފައި ތިބި އެތައް ބަޔަކަށް ލިބެން އޮތް އުންމީދު ވަނީ ގެއްލިފައެވެ.
