ރައީސް ސާލިހް މިހެން ވިދާޅުވީ ހއ. ހޯރަފުށީގެ ތަރައްގީގެ އެންމެ ޝަރަފުވެރި އައްޑަނަ އެމަނިކުފާނަށް އެރުވުމަށް ރޭ އެރަށުގައި ބޭއްވި ރަަސްމިއްޔާތުގައި ވާހަކަ ދައްކަވަމުންނެވެ.
ރައީސް ސާލިހް ވިދާޅުވީ އޮޅުން ބޮޅުން ގަނޑެއް ތެރެއަށް މުޅި ގައުމު ވެއްޓި މުޅި ނިޒާމު މިވަނީ ހަރާބު ވެފަކަމަށެވެ. އަދި އެއްވެސް ތަނެއް ޖަވާބު ދާރީ ކުރެވޭނެ އެއްގޮތެއްވެސް ނެތްކަމަށް ސާލިހް ވިދާޅުވިއެެވެ.
ރައީސް ސާލިހް ވިދާޅުވީ މި ސަރުކާރުން މަޖިލިހަށް ބަޖެޓް ހުށައަޅާއިރުވެސް އެއްވެސް ތަފްސީލެއް ހާމައެއް ނުކުރާކަމަށެވެ.
ހޯރަފުށި ދުވަސް ފާހަގަކުރަން ރޭ އެ ރަށުގައި ބޭއްވި ހާއްސަ ޖަލްސާއެއްގައި ސޯލިހުއަށް އެރުވީ ސިރީ ނަވަރަންނަ އައްޑަނަ އެވޯޑެވެ. އެއީ ހޯރަފުށީގެ އެންމެ ޝަރަފުވެރި އެވޯޑެވެ. އެ އެވޯޑު ސޯލިހުއަށް އެރުވީ ހޯރަފުށި ކައުންސިލްގެ ރައީސް، މުހައްމަދު ވަހީދު އެވެ.
ރޭގެ ޖަލްސާގައި ވާހަކަދައްކަވަމުން ވަހީދު ވިދާޅުވީ ސޯލިހުއަކީ ހޯރަފުށީގެ ބާނީ އަދި އެ ރަށު ތަރައްގީގެ ހަގީގީ "ކިންގު" ކަމަށެވެ. އެ ވެރިކަމުގައި އެތައް މިލިއަން ރުފިޔާގެ މަޝްރޫއުތައް ފެށި ހޯރަފުށި ބަދަލުވެގެންދިޔަ ކަމަށް އޭނާ ވިދާޅުވި އެވެ.
