ހަނދާނީ ދުވަހާ ގުޅުވައިގެން އޭނާ ލިޔުއްވި ހާއްސަ ހިތާބެއްގައި، އިނގިރޭސިވަންތަ ކަންތައްތަކަށް އޭނާގެ ހިތުގައި އޮތް ލޯބި ހާމަކުރައްވާފައިވެއެވެ.
އަފްގާނިސްތާނުގައި ދެ ފަހަރެއްގެ މަތިން ކުރީ ސަފުގައި ހިދުމަތްކުރައްވާފައިވާ ހެރީ ވިދާޅުވީ، އިނގިރޭސި ރައްޔިތުންގެ ކިބައިގައި ހުންނަ ބައެއް ސިފަތަކަކީ އޭނާ ވަރަށް ބޮޑަށް ފަހުރުވެރިވާ ކަންތައްތަކެއް ކަމަށެވެ. އޭގެ ތެރޭގައި ސިފައިންގެ މެސްއާއި، ކުލަބު ހައުސްތަކާއި، ޕަބްތަކުގައި ދެކެވޭ މަޖާ ވާހަކަތަކާއި އެކުވެރިކަން ފާހަގަކުރެއްވިއެވެ. އޭނާ މިހާރު އެމެރިކާގައި ދިރިއުޅުއްވި ނަމަވެސް، ޔޫކޭ އަކީ އަބަދުވެސް އޭނާގެ ގައުމު ކަމަށާއި، އެއީ އޭނާ އެ ގައުމަކަށްޓަކައި ހިދުމަތްކޮށް ހަނގުރާމަކުރެއްވި ބިން ކަމަށްވެސް ހެރީ ވިދާޅުވިއެވެ.
ހެރީގެ މި ލިޔުމުގެ މައިގަނޑު މަގުސަދަކީ މެމޯރިއަލް ދުވަހާ ގުޅިގެން، ހަނގުރާމައިގެ ބުރަ އުފުލާފައިވާ ކުރީގެ ސިފައިން ހަނދާންކުރުމަށް އިލްތިމާސްކުރުމެވެ.
ހަނދާންކުރުމަކީ ހަމައެކަނި މަރުވެފައިވާ މީހުންނަށް ހާއްސަ ކަމެއް ނޫން ކަމަށާއި، ދިރިތިބި ހަނގުރާމަވެރިންނަށްވެސް އެކަން ހާއްސަވާން ޖެހޭނެ ކަމަށް ހެރީ ވިދާޅުވިއެވެ.
