މީޑިއާ ރިޕޯޓުތައް ބުނާ ގޮތުގައި، މޭގަންގެ މި އެނބުރި އައުން ފެނިގެންދާނީ އާ ފިލްމެއްގައި އޭނާގެ އަމިއްލަ ޝަހުސިއްޔަތު ދައްކުވައިދޭ ކެމިއޯއެއްގެ ދައުރަކުންނެވެ.
މި ފިލްމަކީ އެމޭޒަން އެމްޖީއެމް ސްޓޫޑިއޯއިން އުފައްދާ "ކްލޯޒް ޕާސަނަލް ފްރެންޑްސް" ގެ ނަމުން ނެރޭ ފިލްމެކެވެ. މި ފިލްމުގައި މޭގަންއާ އެކު ލިލީ ކޮލިންސް އަދި ބްރީ ލާސަން ފަދަ ހޮލީވުޑުގެ މަޝްހޫރު ތަރިން ވެސް ހިމެނެއެވެ. މިއީ ރޯޔަލް އާއިލާގެ ޒިންމާތަކުން ދުރުވެ، ހޮލީވުޑާއި މުނިފޫހިފިލުވުމުގެ ވިޔަފާރީގެ ތެރެއަށް އޭނާ އަލުން ވަންނަކަން ހާމަވާ ކަމެކެވެ.
މޭގަން އެކްޓިންއަށް އެނބުރި އަންނައިރު، ހޮލީވުޑުގެ ބައެއް ފަރާތްތަކުން ދަނީ އޭނާގެ "ސްޓާ ޕަވަރު" ނުވަތަ މަގުބޫލުކަން ދަށަށް ގޮސްފައިވާ ކަމަށް ބުނަމުންނެވެ. އަދި ވިޔަފާރީގެ ގާބިލުކަމާ މެދުވެސް ބައެއް ފަރާތްތަކުން ދަނީ ސުވާލު އުފައްދަމުންނެވެ. އެހެންކަމުން، މި އެނބުރި އައުމަކީ އޭނާގެ ފާޑުކިޔުންތަކަށް ޖަވާބުދިނުމުގެ ގޮތުން އެޅުއްވި ފިޔަވަޅެއް ކަމަށް ބެލެވެއެވެ.
