ކަސްޓަމްސްއިން ހިފެހެއްޓި 13 މިލިއަނަށް ވުރެ ގިނަ ސިނގިރޭޓު އެމްޕީއެލްގެ ހުޅުމާލޭ ބަނދަރުން ވަގަށް ނެގި މައްސަލައިގައި މިހާތަނަށް ވަނީ ނުވަ މީހަކު ހައްޔަރުކޮށްފައެވެ. 20 ފޫޓްގެ ދެ ކޮންޓެއިނަރު ވަގަށް ނެގި މައްސަލަ ފެންމަތިވީ މިދިޔަ މަހު ކުރީކޮޅުއެވެ.
މި މައްސަލާގައި ހައްޔަރު ކުރި މީހުންގެ ތެރެއިން ދެ މީހަކު ކުށަށް އިއުތިރާފުވެފައިވާކަން ވަނީ އެނގިފައެވެ. އެނގިފައިވާ ގޮތުގައި ކުށަށް އެއްބަސްވީ މި މައްސަލާގައި ހައްޔަރުކޮށްފައިވާ އެމްޕީއެލްގެ ދެ މުވައްފަންނެވެ.
އިއުތިރާފުވި ދެ މީހުން
އަހްމަދު ޝަހީމް، 42، ނޫރަލީގެ/ހދ. ވައިކަރަދޫ
މި މައްސަލާގައި ހައްޔަރުކުރި ވިޔަފާރިވެރިޔާ އެޕޯލޯ ހޯލްޑިންސްގެ ހިއްސާދާރު މުހައްމަދު ވަހީދު (ދިގަލި) ތަހުގީގަށް އެއްބާރުލުން ނުދޭކަންވެސް ވަނީ އެނގިފައެވެ. އޭނާ މިހާތަނަށް ތަހުގީގުގައި އެއްވެސް ވާހަކަ ދައްކާފައި ނުވާކަންވެސް ވަނީ އެނގިފައެވެ.
މި މައްސަލާގައި ހައްޔަރުކުރި އެންމެންވެސް ތިބީ ޝަރީއަތް ނިމެންދެން ބަންދު ޖަހާފައެވެ. އަދި މި މީހުން ވަގަށް ނެގި ކޮންޓެއިނަރުގެ ބައިތައް ފުލުހުން ވަނީ ތިލަފުށިން ހޯދާފައެވެ.
