ފުލުހުން ބުނީ ފަރަށް އެރި، ފައިސަލާ ބޯޓުން ގެއްލިގެން ހޯދަމުން ދަޔައީ، ބަނގުލަދޭޝްގެ ރައްޔިތެއް ކަމުގައިވާ އެމްޑީ އަލަމްގީރު، 30، އެވެ.
އޭނާ މަރުވެފައި އޮއްވައި ފެނުނީ އެ ބޯޓު އަޑިޔަށް ދިޔަ ސަރަހައްދުގެ މޫދުންނެވެ.
"އެ މީހާ ކ. ކާށިދޫ ހެލްތު ސެންޓަރަށް ގެންދިޔަ އިރުވެސް ނިޔާވެފައިވާ ކަމަށް ހެލްތު ސެންޓަރުން ވަނީ މައުލޫމާތު ދީފައި،" ފުލުހުން ބުންޏެވެ.
ފުލުހުން ބުނި ގޮތުގައި، އެ ބޯޓު ފަރަށް އެރިކަމުގެ ރިޕޯޓު ލިބުނީ މިރޭގެ 7:52 ހާކަންހާއިރު އެވެ. އޭރު އެ ބޯޓުގައި ތިބީ 11 ފިރިހެނުން ކަމަށާއި އެއީ ފަސް ދިވެއްސަކާއި ހަ ބިދޭސީން ކަމަށް ފުލުހުން ބުންޏެވެ.
ފުލުހުން ވަނީ ބޯޓު ފަރަށް އެރުމާ ގުޅިގެން ބޯޓުގައި ހުރި ހަރު މުދާތައް އޮޔާދާތީ، އެ ސަރަހައްދުން ދަތުރުކުރާ އެންމެހާ ފަރާތްތަކުން ސަމާލުވާން އެދިފަ އެވެ.
