ޓުރިޒަމް މިނިސްޓްރީން އާންމުކުރި ތަފާސްހިސާބުން ދައްކާ ގޮތުގައި، މި އަހަރުގެ މިހާތަނަށް ރާއްޖެއަށް ޒިޔާރަތް ކުރި ފަތުރުވެރިންގެ އަދަދު ވަނީ 1.9 މިލިއަނަށް އަރައިފައެވެ. މި އަހަރުގެ މިހާތަނަށް ރާއްޖެ އައި ފަތުރުވެރިންގެ އަދަދަކީ މިދިޔަ އަހަރުގެ މި މުއްދަތާ އަޅައިބަލާއިރު 9.8 އިންސައްތައިގެ އިތުރުވުމެކެވެ.
އޭގެ ތެރެއިން އެންމެ ގިނަ ފަތުރުވެރިން ރާއްޖެ އައިސްފައިވަނީ ޗައިނާއިންނެވެ. އެގައުމުން އަހަރުގެ މިހާތަނަށް 300،352 ފަތުރުވެރިން ރާއްޖެ އައިސްފައިވާކަމަށް ޓުރިޒަމް މިނިސްޓްރީގެ ހިސާބުތަކުން ދައްކައެވެ.
އެންމެ ގިނައިން ފަތުރުވެރިން އައި 10 ގައުމު
ރާއްޖެއަށް މިހާރު ދުވާލަކަށް އެވަރެޖުކޮށް 6،025 ފަތުރުވެރިން އަންނަމުންދާކަމަށް ޓްއަރިޒަމްގެ ހިސާބުތަކުން ދައްކައެވެ.
މިހާތަނަށް އައި ފަތުރުވެރިން ޗުއްޓީ ހޭދަކުރި ތަންތަން
ސަރުކާރުން ވަނީ، މި އަހަރުގެ އަމާޒަކީ 2.3 މިލިއަން ފަތުރުވެރިން ގެނައުން ކަމަށް ބުނެފައެވެ. އެހެންނަމަވެސް އެ އަމާޒު ހާސިލުނުވާނެކަމަށް ބެލެވޭތީ އެ އަދަދު މަދުކޮށް 2.2 މިލިއަން ވަނީ ތިރިކޮށްފައެވެ. އަދި އަންނަ އަހަރު 2.4 މިލިއަން ފަތުރުވެރިން އަންނާނެކަމަށް އަންނަ އަހަރުގެ ބަޖެޓުގައި ވަނީ ކަނޑައަޅާފައެވެ.
