ޕީއެންސީން ބޭއްވި ބޮޑު ޖަލްސާގައި ހީނާ ވިދާޅުވީ އޭނާ އަށް ކުރިމަތިވި ބައްޔަކާ ގުޅުވައި، ފުރައްސާރަ ކުރަމުންދާ ކަމަށާއި އެހާ ދަށުދަރަޖަ އަށް ވެއްޓޭނީ އިންސާނިއްޔަތުކަމެއް ނެތުނީމަ ކަމަށް ގަބޫލު ކުރައްވާ ކަމަށެވެ. އަދި އަންހެނަކަށް ވީތީ ސިފަ އަށް ހަޖޫޖަހަމުންދާ ކަމަށް ވިދާޅުވެ، ހީނާ ވަނީ އިދިކޮޅު ފަރާތްތަކަށް ފާޑުވިދާޅުވެފަ އެވެ.
ހީނާގެ އިދިކޮޅަށް ރައްދުދެއްވިއިރު، ކެންސަރު ބަލީގައި އޭނާ ވަރަށް ބަލިވެ އުޅުއްވިއެވެ. އެކަމަކު، ހިތްވަރާ އެކީ، މަސައްކަތުގައި ހީނާ އުޅުއްވިކަން ފާހަގަކުރެ ވެއެވެ.
އެތައް ހާސް ބަޔަކާ އެކު ބޭއްވި ބޮޑު ޖަލްސާގައި ހީނާ ވިދާޅުވީ އޭނާ އަށް އަމާޒުކޮށް، ހަގީގަތާ ހިލާފު އެތައް ވާހަކަތަކެއް ފަތުރަމުންދަނީ އަންހެނަކަށް ވީތީ ކަމަށެވެ. އޭގެ ތެރޭގައި ހީނާ ފާހަގަކުރެއްވީ އެންސްޕާ ހިންގާނެ ތަނެއް ހޯދުމަށް ކުރި އިއުލާނާ ގުޅިގެން އޭނާ އަށް ކުރިމަތިވި ފާޑުކިޔުންތަކެކެވެ.
އެންސްޕާގެ އެންމެ އިސްވެރިޔާގެ މަގާމުގައި ހުންނެވި ހީނާ ވިދާޅުވި ގޮތުގައި އެންސްޕާ ހިންގާނެ ތަނެއް ފިނޭންސް މިނިސްޓްރީން ހޯދަން އިއުލާންކުރީ އެ އޮންނަ އުސޫލުގެ ދަށުންނެވެ.
ހީނާ ވަނީ ރައީސް މުއިއްޒު، ވެރިކަމުގައި މިވީ ދެ އަހަރުތެރޭ ކޮށްދެއްވި ބައެއް ކަންކަން ފާހަގަކުރައްވައި، ސަރުކާރުގެ ކާމިޔާބީއާ ދޭތެރޭ އުފާފާޅުކުރައްވައިފަ އެވެ.
