ރާއްޖޭގައި ވޭޕް ކުރުމާއި އެއާއި ގުޅޭ ސަމާނު ރާއްޖެއަށް އެތެރެކުރުން މަނާކުރީ މިދިޔަ އަހަރުގެ ނޮވެމްބަރުމަހުގެ 15 އިން ފެށިގެންނެވެ.
ވޭޕް މަނާކުރިތާ އަހަރެއް ފަހުން ކަސްޓަމްސް އިން ބުނީ މިދިޔަ އަހަރެއް ތެރޭގައި ވޭޕް ކުރުމަށް ބޭނުންކުރާ ތަކެތި އެތެރެކުރަން އުޅުމުގެ 176 މައްސަލަ ބަލާފައިވަކަމަށެވެ. އަދި އެ މައްސަލަތަކުގައި 53،300 ތަކެތި ހިފަހައްޓާފައިވާ ކަމަށް ކަސްޓަމްސްއިން ބުނެއެވެ.
ދުންފަތް ކޮންޓްރޯލް ކުރުމާބެހޭ ގާނޫނުގެ ދަށުން ރާއްޖެއަށް ވޭޕްގެ ބާވަތްތައް އެތެރެކޮށްފިނަމަ 50،000 ރުފިޔާއިން ޖޫރިމަނާ ކުރެވޭނެއެވެ. އަދި ވޭޕް ވިއްކުމުގެ މައްސަލަތަކުގައި 20،000 ރުފިޔާއިން ޖޫރިމަނާ ކުރުމާއެކު، ވިއްކި ކޮންމެ އެއްޗަކަށް 10،000 ރުފިޔާގެ މަގުން ޖޫރިމަނާ ކުރެވޭނެ އެވެ.
ވޭޕް އެތެރެކޮށްގެން މިދިޔަ އޮކްޓޫބަރުމަހު ކުރި ޖޫރިމަނާގެ އަދަދު 226،000 އަރާކަމަށް ފުލުހުން ވަނީ ބުނެފައެވެ. ކަސްޓަމްސް އަށް ދައްކަން ޖެހޭ ޖޫރިމަނާތަކުން ދެވަނައަށް އެންމެ ގިނަ އަދަދެއްގެ މިހުން ފައިސާ ނުދައްކާވަނީ ވޭޕާއި ގުޅުން ހުރި މައްސަލަތައްކަމަށް ކަސްޓަމްސް އިން ބުނެއެވެ.
