ހައިކޯޓުގެ ބެންޗުގައި ހިމެނޭ 11 ފަނޑިޔާރުންގެ ތެރެއިން ފަސް ފަނޑިޔާރެއްގެ ސުލޫކީ މައްސަލަތަކެއް ޖުޑީޝަލް ސަރވިސް ކޮމިޝަނުން އަންނަނީ ބަލަން ފެށިނަމަވެސް އެކަމުގެ ތަފްސީލެއް ޖޭއެސްސީއަކުން ނުދެއެވެ.
އެކަމަކު ރިޕޯޓްތައް ބުނާ ގޮތުން، ހައިކޯޓުގެ ފަނޑިޔާރު މުހައްމަދު ނިޔާޒް، މުހައްމަދު ފައިސަލް، ހުސެއިން މަޒީރު، ފާތިމަތު ފަރުހީޒާ އަދި ދީބާނާޒް ފަހުމީގެ މައްސަލަތައް ޖޭއެސްސީން އަންނަނީ ބަލަމުންނެވެ.
މައްސަލަ ބަލަމުން އަންނަ ފަސް ފަނޑިޔާރުންގެ ތެރެއިން، މުހައްމަދު ނިޔާޒްވަނީ މަގާމުން ވަކިވާން ހުށަހަޅުއްވާފައެވެ.
އަދި ފަނޑިޔާރު ފައިސަލްގެ ސުލޫކީ މައްސަލަތަކެއް ބަލަމުންދާ ކަމަށް ރިޕޯޓްތައް ލިބިފައިވާއިރު، ފައިސަލްވަނީ ކުއްލި ގޮތަކަށް އިސްފަނޑީޔާރުކަމުގެ މަސްއޫލިއްޔާތު ތަކުން އިސްތިއުފާ ދެއްވައިފައެވެ.
