ޕާޓީގެ ކަންކަން ކުރިއަށް ގެންދިއުމުގައި އޭނާއަކީ ހުރަހަކަށް ވާން ބޭނުންނުވާކަމަށް ވިދާޅުވެ އެމްޑީޕީގެ ޗެއާފާސަން ކަމުން ފައްޔާޒު އިސްތިއުފާ ދެއްވީ ރޭގައެވެ.
ފައްޔާޒު އިސްތިއުފާ ދެއްވުމުން ރައީސް ސާލިހް އެކްސްގައި ކުރެއްވި ޕޯސްޓެއްގައި ވިދާޅުވީ ފައްޔާޒު ޗެއާޕާސަންއަކަށް ހުންނަވައިގެން ޕާޓީއަށް ކޮށްދެއްވި ހިދުމަތްތަކަށް ޝުކުރު އަދާކުރައްވާފައެވެ. އަދި ފައްޔާޒުގެ ދައުރު ވެގެންދިޔައީ އެމްޑީޕީ ވެރިކަން ކުރަމުން އިދިކޮޅޮގައިވެސް މަސައްކަތް ކުރި ދުވަސްވަރަކަށެވެ. އަދި އެ އުނދަގޫ ވަގުތުގައިވެސް ފައްޔާޒު ދެއްކެވި ހިތްވަރާ ކުރެއްވި ބުރަ މަސައްކަތައް ރައީސް ސާލިހް ވަނީ ޝުކުރު އަދާކުރައްވާފައެވެ.ވ
ފައްޔާޒު އެމްޑީޕީގެ ޗެއާޕާސަންގެ މަގާމަށް ހޮވިވަޑައިގަތީ 23 މެއި 2022ގައި އެމްޑީޕީގެ ގައުމީ މަޖިލީހުގެ މެމްބަރު އިމްތިޔާޒު ފަހުމީއާ ވާދަކުރެއްވުމަށް ފަހު އެވެ.
