ކުރީގެ ރައީސުންނަށް ދޭން ޖެހޭ އިނާޔަތްތަކާ ގުޅޭ ގޮތުން، ޔާމީންގެ ވެރިކަން ނޮވެމްބަރު 17، 2018 ގައި ބަދަލުވި ފަހުން، ކުރީގެ ރައީސުންގެ އޮފީސް ހިންގުމަށް ދައުލަތުން ދޫކުރާ ބަޖެޓުގެ ތެރެއިން އެއްވެސް ފައިސާއެއް ނުނަންގަވާ ކަމަށާއި ބޭސްފަރުވާ އަށް ވެސް ފައިސާ ނުހޯއްދަވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވީ މި ހަފްތާގައެވެ.
އެކަމަކު، ރިޕޯޓްތައް ބުނާ ގޮތުން އޮފީސް ހިންގުމުގެ ހަރަދަށް ލިބެންޖެހޭ 14.7 މިލިއަން އެއްފަހަރާ ހޯދަން ޔާމީން ވަނީ ހުށަހަޅުއްވާފައެވެ.
ރިޕޯޓްތައް ބުނާ ގޮތުން، ޔާމީން އޮފީސް ހިންގުމުގެ ހަރަދަށް ލިބެންޖެހޭ ފައިސާ ނަންގަވާފައި ނުވާ ވާހަކައަކީ ތެދެކެވެ. އެކަމަކު އެ ފައިސާ ހޯއްދަވަން މި މަހުގެ 10 ވަނަ ދުވަހު ސީދާ ޔާމީން ސޮއިކުރައްވައި ފިނޭންސް މިނިސްޓްރީއަށް އެ އޮފީހުން ސިޓީއެއް ފޮނުއްވާފައިވާ ކަމަށް ރިޕޯޓްތައް ބުނެއެވެ.
