މި ފިލްމަށް ސްޓްރީމިން ޕްލެޓްފޯމުގައި ބޮޑު ތަރުހީބެއް މި ލިބުނީ ސިނަމާތަކުގައި ފިލްމު ދެއްކިއިރު މާ ބޮޑު ކާމިޔާބީއެއް ނުލިބި ފްލޮޕް ވެފައި ވަނިކޮށެވެ.
މި ފިލްމު ސިނަމާތަކުގައި ދެއްކި ދުވަސްވަރު ބޮކްސް އޮފީހުގައި ލިބުނު އާމްދަނީ އުޅެނީ ވަރަށް ދަށުގައެވެ. އެގޮތުން ފިލްމަށް ލިބިފައިވަނީ އެންމެ 48 މިލިއަން ޑޮލަރެވެ. މިއީ މިފަދަ ފިލްމަކާ އަޅާބަލާއިރު ނާކާމިޔާބު އަދަދެކެވެ. ނަމަވެސް އެޗްބީއޯ މެކްސްއަށް ފިލްމު ދޫކޮށްލުމާއެކު ގިނަ ބަޔަކު މިހާރު އަންނަނީ ޝައުގުވެރިކަމާއެކު މި ފިލްމު ބަލަމުންނެވެ.
"ފްލައިޓް ރިސްކް" އަށް ލިބުނު މި ކާމިޔާބީން ހާމަވަނީ ސިނަމާތަކުގައި ފިލްމެއް ފެއިލް ވިޔަސް، ސްޓްރީމިން ޕްލެޓްފޯމްތަކުގައި އެ ފިލްމަކަށް ކާމިޔާބުވުމުގެ ފުރުސަތު އޮތްކަމެވެ. ބޮކްސް އޮފީހުގެ ނާކާމިޔާބީއަށްފަހުވެސް ސްޓްރީމިން ސައިޓުތަކަށް އައުމުން ބެލުންތެރިންގެ މެދުގައި ފިލްމު މަގުބޫލުވެ، ޗާޓުތަކުގެ ކުރި ހޯދިދާނެކަން މިކަމުން އެނގިގެންދެއެވެ.
