ޕަބްލިކް ސާވިސް މީޑިއާ (ޕީއެސްއެމް) އާއި 37 މީޑިއާތަކާ ގުޅިގެން 29 ގަޑިއިރަށް ކުރިޔަށް ގެންދިޔަ ޓެލެތޯނަށް ލިބުނީ 12.3 މިލިއަން ރުފިޔާ ( 800،352 ޑޮލަރު ) އެވެ. މި ފައިސާ މިއަދު ވަނީ ފޮރިން މިނިސްޓްރީއާ ހަވާލުކޮށްފައެވެ. އެ އެހީގެ ރަމްޒީ ޗެކާ ހަވާލުވެ ވަޑައިގަތީ ފޮރިން މިނިސްޓަރު ޑރ. އަބްދުﷲ ހަލީލެވެ.
މި ފައިސާ ހަވާލުކުރުމަށް ބޭއްވި ރަސްމިއްޔާތުގައި ވާހަކަ ދައްކަވަމުން މިނިސްޓަރު ހަލީލް ވިދާޅުވީ ދިވެހިން މި ޓެލަތޯނަށް ދިން އެހީއަކީ ދެ ގައުމުގެ ރައްޔިތުންގެ އޮތް ގުޅުން ވަރަށް ރަނގަޅަށް ހާމަވި ކަމެއް ކަމަށެވެ.
މި ޓެލަތޯން ބޭއްވުމުން ލަންކާ ރައްޔިތުން ވަނީ އެމީހުން ޝުއޫރުތައް ސޯޝަލް މީޑިއާގައި ބަންޑުންކޮށްލަފައެވެ.
ޓެލެތޯންގައި ލިބުނު ފައިސާގެ އިތުރުން ރާއްޖޭގެ ބޮޑެތި ވިޔަފާރިތަކުން ވެސް ވަނީ އެތައް ލައްކަ ޑޮލަރެއްގެ އެހީ ލަންކާއަށް ހަދިޔާކޮށްފައެވެ. އެގޮތުން ސަން ކުންފުނިން ދެ ލައްކަ ޑޮލަރު ހަދިޔާކުރިއިރު ވިލާއިން ވަނީ އެއްލައްކަ ޑޮލަރު ހަދިޔާކޮށްފައެވެ. މީގެއިތުރުން ދިވެހި ސަރުކާރުން ވެސް ވަނީ 50،000 ޑޮލަރު (770،000 ރުފިޔާ) އާއި 25،000 މަސްދަޅު ކޭސް ހަދިޔާކުރަން ނިންމައިފައެވެ.
