ހޮނިހިރު ދުވަހުގެ މެންދަމުގެ ވަގުތެއްގައި "ބާޗް ބައި ރޯމިއޯ ލޭން" ނަމަކަށް ކިޔާ ކްލަބުގައި ހިނގި މި ހިތާމަވެރި ހާދިސާގައި މިހާތަނަށް 25 މީހަކު މަރުވެފައިވާ ކަމަށް ކަމާބެހޭ އިދާރާތަކުން މައުލޫމާތު ދެއެވެ. މިއީ ފަހުގެ ތާރީހެއްގައި ގޯއާގައި ހިނގި އެންމެ ނުރައްކާތެރި އެއް ހާދިސާއެވެ.
މި ހާދިސާގައި މަރުވި މީހުންގެ ތެރޭގައި ގިނައީ އެތަނުގައި މަސައްކަތްކުރާ މުވައްޒަފުންނެވެ. ރިޕޯޓުތައް ބުނާ ގޮތުގައި މަރުވި މީހުންގެ ތެރޭގައި އެތަނުގެ 14 މުވައްޒަފުންނާއި، ޗުއްޓީ ހޭދަކުރުމަށް ގޮސް އުޅުނު 4 ޓޫރިސްޓުން ހިމެނެއެވެ. އަދި މަރުވި ބައެއް މީހުންނަކީ ކޮން ބައެއްކަން ކަށަވަރު ކުރުމުގެ މަސައްކަތް މިހާރު ވެސް ދަނީ ކުރަމުންނެވެ. މީގެ އިތުރުން މި އަލިފާނުގެ ހާދިސާގައި 50 މީހަކަށް އެކިވަރުގެ އަނިޔާތައް ލިބިފައިވާއިރު، އެ މީހުންނަށް ހޮސްޕިޓަލްތަކުގައި ދަނީ ފަރުވާ ދެމުންނެވެ.
މި ހާދިސާ ހިނގަން މެދުވެރިވީ ގޭސް ސިލިންޑަރެއް ގޮވައިގެން ކަމަށް ބެލެވޭ ކަމަށް ރިޕޯޓުތަކުން ދައްކައެވެ. އަލިފާން ރޯވުމާއެކު ވަރަށް ހަލުވިކަމާއެކު މުޅި ތަނަށް އަލިފާންގަނޑު ފެތުރުނު ކަމަށް މަންޒަރު ދުށް މީހުން ބުނެއެވެ. ގިނަ ބަޔަކު މަރުވާން މެދުވެރިވި މައިގަނޑު ސަބަބަކީ ކްލަބުން ނުކުންނަން ހުރި ދޮރުތައް ހަނިވުމުގެ ސަބަބުން މީހުންނަށް އަވަހަށް ނުނިކުމެވުމެވެ. ހާއްސަކޮށް ބަދިގެއާއި އިމާރާތުގެ އެންމެ ތިރީގައި ތިބި މުވައްޒަފުންނަށް ބޭރަށް ނުނިކުމެވި ތާށިވުމުން ގިނަ އަދަދެއްގެ މުވައްޒަފުން ވަނީ މަރުވެފައެވެ.
މި ހާދިސާއާ ގުޅިގެން ގޯއާގެ ސަރުކާރުން ވަނީ ފުރިހަމަ ތަހުގީގެއް ހިންގުމަށް އަމުރުކޮށްފައެވެ. އަދި މިކަމުގައި އިހުމާލުވާ ފަރާތްތަކާ މެދު ހަރުކަށި ފިޔަވަޅު އަޅުއްވާނެ ކަމަށް ޗީފް މިނިސްޓަރު ވިދާޅުވިއެވެ. މި ނުރައްކާތެރި ހާދިސާއާ އެކު،
