"ޔޫތް ހެކް" އަކީ މުޅި ރާއްޖޭގެ ޒުވާން ވިސްނުންތެރިންނާއި، އުފެއްދުންތެރިންނާއި، މައްސަލަ ހައްލުކުރާ ފަރާތްތަކާއި، ލީޑަރުން އެއްތަނަކަށް އެއްކޮށްގެން މިނިސްޓްރީ އޮފް ޔޫތު އެމްޕަވަރމަންޓް، އިންފޮމޭޝަން އެންޑް އާޓްސް އިން ކުރިއަށް ގެންދާ ޑައިނަމިކް އިނޮވޭޝަން ޗެލެންޖެއް ކަމަށް އެ މިނިސްޓްރީން ބުނެ އެވެ. ޖުމްލަ 48 ގަޑިއިރުގެ ތެރޭގައި ބައިވެރިން އެއްބާރުލުންދީ، ހިޔާލުތައް ހޯދައި، ކަންކަމަށް ހައްލުތައް ހޯދުމަށް ކުރެވޭނެ ކަންކަން ބަލާ، ޓެކްނޮލޮޖީ، ވިޔަފާރި، ޑިޒައިން، ކޮމިއުނިޓީ ޑިވެލޮޕްމަންޓް އަދި އެެހެންވެސް ކަންކަމުގައި އެ ބައިވެރިންގެ ހިޔާލު ހޯދުމަށް އެ ބައިވެރިންނާއި އެކު މަސައްކަތް ކުރެވިގެންދާނެ ކަމަށް އެ ވުޒާރާ އިން ބުނެ އެވެ.
މިއަދު ހަވީރު 5:00 ޖަހާއިރު ފަށާ މި ހެކަތޯން ހޮނިހިރު ދުވަހުގެ ރޭ 8:00 އާއި ހަމަޔަށް ކުރިޔަށް ދާނެ ކަމަށް އެ ވުޒާރާއިން މައުލޫމާތުދެ އެވެ.
މި ހެކަތޯން އިން އެއްވަނައަށްދާ ޓީމްއަކަށް 100000 ރުފިޔާ ލިބޭ އިރު ދެވަނައަށް ދާ ޓީމް އަކަށް 75000 ރުފިޔާ އަދި ތިން ވަނަ އަށް ދާ ޓީމް އަކަށް 25000 ރުފިޔާ ލިބޭނެ ކަމަށް އެ ވުޒާރާއިން ބުނެ އެވެ.
