ޓްރަމްޕަށް 2020 ވަނަ އަހަރުގެ ރިޔާސީ އިންތިހާބު ނާކާމިޔާބުުމުން ހަމަނުޖެހުންތަކަށް ހިތްވަރުދީ ވާހަކަ ދެއްކެވި ކަމަށް ބުނެ ބީބީސީން ދެއްކީ 6 ޖެނުއަރީ 2021 ގައި ޓްރަމްޕް ދެއްވި ތަގުރީރެކެވެ. ޓްރަމްޕުގެ ވާހަކަތައް އޮޅޭ ގޮތަށް އެޑިޓްކޮށްފައިވާ މައްސަލަ ހާމަވެ އަމާޒުވި ފާޑުކިޔުންތަކާ އެކު މިފަހުން ވަނީ ޗީފް އެގްޒެކެޓިވް ޓިމް ޑޭވީގެ އިތުރުން ހެޑް އޮފް ނިއުސް ޑެބޯރާ ޓާނެސް ވެސް އިސްތިއުފާ ދެއްވައިފަ އެވެ.
މީގެ އިތުރުން ބީބީސީން ރަސްމީކޮށް މި މައްސަލައިގައި ޓްރަމްޕުގެ ކިބައިން ވަނީ މާފަށް އެދިފަ އެވެ.
އޭނަ ދައުވާކުރީ ބީބީސީން ގެނެސްދިން ޑޮކިއުމަންޓްރީގެ ސަބަބުން ލިބުނު ގެއްލުމުގެ ބަދަލަށް 10 ބިލިއަން ޑޮލަރު ނަގައި ދިނުމަށް އެދި އެވެ. ޓްރަމްޕަކީ އާންމުކޮށް ނޫސް ތަކަށް ފާޑުކިޔުއްވާ އިންޒާރު ދެއްވާ ބޭފުޅެކެވެ. ދާދި ފަހުން ސީއެންއެންއާ ދެކޮޅަށްވެސް ޓްރަމްޕް ވަނީ ދައުވާ ކުރައްވާފަ އެވެ.
