ކުޅުދުއްފުށީ ސިޓީގައި ހިންގި މި 2 އޮޕަރޭޝަންގެ ތެރެއިން އޮގަސްޓު 6 ވަނަ ދުވަހު ހިންގި އޮޕަރޭޝަންގައި ހައްޔަރުކޮށްފައިވަނީ ޏ. ފުވައްމުލައް ދޫޑިގަން، ކަރަންފޫގެ އުމުރުން 19 އަހަރުގެ މުހައްމަދު އުމީންއާއި ހދ. ކުމުންދޫ، ފަހިވާ އުމުރުން 30 އަހަރުގެ އާއިޝަތު އަލީ އެވެ. މި ދެ މީހުން ހައްޔަރުކޮށްފައިވަނީ މަސްތުވާތަކެތި ގެންގުޅެ، ވިއްކައި ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެންނެވެ.
އަދި އޮގަސްޓް 5 ވަނަ ދުވަހު ހިންގި އޮޕަރޭޝަންގައި ހައްޔަރުކޮށްފައިވަނީ ހދ. ކުޅުދުއްފުށި، އުރަހަ އުމުރުން 44 އަހަރުގެ ހުސައިން ނައީމްއާއި ހދ.ކުޅުދުއްފުށި، ބަންޑާރަހިޔާ 002ޕީ، އުމުރުން 45 އަހަރުގެ ޢަބްދުއްރަޙްމާން މުހައްމަދުއެވެ. މި ދެ މީހުން ހައްޔަރުކޮށްފައިވަނީ މަސްތުވާތަކެތި ބޭނުންކޮށް އެ ތަކެތި ގެންގުޅެ، ވިއްކައި ވިޔަފާރިކުރާކަމަށް ތުހުމަތުކުރެވޭ މައްސަލައާ ގުޅިގެންނެވެ.
މި މައްސަލައާ ގުޅިގެން މި މީހުންގެ ބަންދުކޮށް މިހާރު އަންނަނީ މައްސަލަ އިތުރަށް ތަހުގީގުކުރަމުންނެވެ.
