ސޮފްއަތު މިހެން ވިދާޅުވީ، ވައްކަމުގެ މައްސަލައެއްގައި ކޯޓަށް ބަންދަށް ގެނައި މީހެއްގެ އަމުރުގައސެވެ. މެދު އުމުރެއްގެ މި މީހާއަކީ، ޕޮލިޓެކްނިކް ތެރެއިން ފެނުނު މީހެކެވެ.
އޭނާ ފެނުމުން ސުވާލުކުރުމުން އޭނާ ބުނީ އެ ތަނުގެ ގުދަން ތެރޭ ފިލައި އޮތުމަށްފަހު ނިކުތީ ކަމަށެވެ. ނަމަވެސް ފުލުހުން އޭނާއަށް ތުހުމަތުކުރަނީ ވައްކަންކުރަން ގުދަނަށް ވަތް ކަމަށެވެ.
އޭނާގެ އަމުރުގައި ގާޒީ ސަފްއަތު ފާހަގަކުރެއްވި ގޮތުގައި މި ބާވަތުގެ މައްސަލަ ވަރަށް އާންމުއިރު، އެފަދަ ހާލަތުގައި ތިބޭ މީހުން ކޮންމެ ފަހަރަކު ކުށެއް ކުރާއިރަށް ކުޑަ މުއްދަތަކަށް ބަންދުކޮށް، ބަންދުން ދޫކުރާއިރަށް އަލުން އެ ފަދަ މައްސަލައެއްގައި ހައްޔަރުކުރުން ވެސް އާންމެވެއެވެ. ޖިނާއީ ކުޑަ މައްސަލައެއްގައި ދައުވާ ކުރުމަކީ ވެސް ޚަރަދު ބޮޑު ކަމެއް ކަމަށް ގާޒީ ފާހަގަކުރެއްވިއެވެ.
