އެ ފިލްމުގެ ޕްރޮޑަކްޝަން ޓީމުން ބުނީ ފިލްމްގެ ޕްރިމިއާ ނައިޓަށް ބޮލީވުޑްގެ މަޝްހޫރު ފަންނާނެއް އަންނާނެ ކަމަށެވެ.
ނަމަވެސް އެއީ ކޮން ފަންނާނެއް ކަމެއް އަދި އެ ޓީމުން ހާމަކޮށްފައި އެއް ނުވެ އެވެ.
ޕަރީ ފިލްމަކީ ބިރެވެރި އަދި އިހުސާސްތަކުން ފުރިގެންދާނެ ފިލްމެއް ކަމަށް އެ ފިލްމުގެ ޓީމުން ދަނީ ބުނަމުންނެވެ.
އެ ފިލްމުގެ ޓްރެއިލާ ބަލާލުމުން ވެސް އެ ފިލްމުގެ ބިރުވެރިކަން ދަނީ އިހްސާސް ވަމުންނެވެ.
އެ ޓްރެއިލާ ބެލުމަށް ފަހު ގިނަ ބަޔަކު ބުނަމުން ދަނީ އެ ފިލްމު ވެގެން ދާނީ ވަރަށްވެސް މޮޅު އަދި ބިރުވެރި ފިލްމަކަށް ކަމަށް ގަބޫލު ކުރާކަމުގަ އެވެ.
ސްރީލަންކާގައި ސޫޓްކޮށްފައިވާ މި ފިލްމު ދިވެހި ސިނަމާ އަށް އިތުރު ދިރުމެއް ގެނެސް ދޭނެ ކަމަށް ގަބޫލު ކުރާ ކަމަށް ޓްރެއިލާ ބެލުމަށް ފަހު އެއްބަޔަކު ބުނަމުން ދިޔަ އެވެ.
މި ފިލްމުގެ ލީޑު ރޯލުން ފެނިގެންދާ ތަރިންގެ މޮޅު ހުނަރު ފެނިގެންދާ މިޓްރެއިލާ އިން ބިރުވެރި ކަންތައްތަކެއް ހިނގުމާއި ގުޅިގެން އެކަމުގެ ސަބަބުން އެމީހުންނައް ކޮށްފައިވާ އަސަރެވެ.
ޕަރީ އަކީ އަހުމަދު އަހުސަން އާއި އަލީ ސީޒަން އާއި އެކުވެގެން ޕްރޮޑިއުސްކުރާ ފިލްމެކެވެ.
ފިލްމްގެ ކާސްޓުންގެ ތެރޭގައި ޝީލާ ނަޖީބް، ރިޝްމީ ރަމީޒް، އައިޝަތު ލަމްސާ ލަތީފް، ޖުމައްޔިލް ނިމާލް، މުހައްމަދު ނައުޝާދު އަލީގެ އިތުރުން އަލީ ސީޒަން ފަދަ މޫނުތައް ފާހަގަކޮށްލެވެއެވެ.
