ރައީސް މުއިއްޒު މިހެން ވިދާޅުވީ ވެރިކަން ކުރާ ޕީއެންސީގެ ހަރުގެ ހުރިތަން 4 ބުރީގެ ބޮޑު އިމާރާތެއް ހެދުމަށްފަހު އަލުން އެތަން ހުޅުވުމަށް ރޭ ބޭއްވި ޖަލްސާގައި ވާހަކަ ދައްކަވަމުންނެވެ.
ކައުންސިލް އިންތިހާބުގެ ބޯމަތިވެފައި ވަނިކޮށް ބޭއްވި މި ޖަލްސާގައި ބައެއް ކައުންސިލްތަކަށް ފާޑު ވިދާޅުވެ ވާހަކަ ދައްކަވަމުން ރައީސް މުއިއްޒު ވިދާޅުވީ ސަރުކާރުން ރަށްރަށުގައި ހިންގަން ނިންމާފާއިވާ ތަރައްގީގެ މަޝްރޫއުތައް ކައުންސިލްތަކާއި ހެދި ނުފެށިގެން އުޅޭކަމަށެވެ.
ރައީސް ވިދާޅުވީ ކައުންސިލްގެ އެއްބާރުލުން ނުލިބިގެން ނުފެށި ހުރި މަޝްރޫއުތަކުގެ ތެރޭގައި މިސްކިތްތައް އެޅުމާއި ސްކޫލްތަކާއި ހޮސްޕިޓަލް ނުވަތަ ސިއްހީ މަރުކަޒު ބޮޑު ކުރުމުގެ މަޝްރޫއުތައް ހިމެނޭކަމަށެވެ.
ޕީއެންސީއަށް ކައުންސިލްތައް ދިނުން މުހިއްމުކަން ފާހަގަކުރައްވަމުން ރައީސް މުއިއްޒު ވިދާޅުވީ ޕީއެންސީގެ ފިކުރާ ދުރު، ސަރުކާރަށް އެކި ކަހަލަ އުނދަގޫތައް ކުރިމަތި ކުރުވާ ކައުންސިލެއް ކުރިއަށް އޮތް އިންތިހާބުގައި ރައްޔިތުން ހޮވައިފި ނަމަ، ވައުދުތައް ފުއްދުމަށް ގޮންޖެހުންތައް ކުރިމަތިވާނެ ކަމަށެވެ. އަދި އެކަމުގެ ސަބަބުން ކުރިއަށް ދިޔުމުގެ ބަދަލުގައި ފަހަތަށް ގޮސް، ކަންކަން ދާން ބޭނުންވާ އަވަސް މިނުގައި ނުގެންދެވޭނެ ކަމަށްވެސް ރައީސް މުއިއްޒު ވިދާޅުވިއެވެ.
ރައްޔިތުންނަށް ވެވަޑައިގެންނެވި ހުރިހާ ވައުދެއް ފުއްދޭނެ ކަމުގެ ޔަގީންކަން އެބައޮތް ކަމަށް ވިދާޚުވާ ވިދާޅުވުން ރޭ ވެސް ރައީސް މުއިއްޒު ވަނީ ތަކުރާރުކުރައްވާފައެވެ.
