އައިޑީއެފް އިން ނެރުނު ބަޔާނެއްގައި ބުނެފައިވަނީ، މި ހަމަލާތައް ދީފައިވަނީ ރަފަހު ސަރަހައްދުގައި ހަރަކާތްތެރިވާ ހަނގުރާމަވެރިން "ބޮޑެތި ވައިލޭޝަންތަކެއް" (ގަވާއިދާ ޚިލާފު އަމަލުތަކެއް) ހިންގަމުންދާތީ އެކަމަށް ރައްދު ދިނުމުގެ ގޮތުން ކަމަށެވެ.
މި އޮޕަރޭޝަންގައި ޝަހީދުކޮށްލި މީހުންގެ ތެރޭގައި ހަމާސްގެ އިސް ކޮމާންޑަރެއް ކަމަށްވާ މުހައްމަދު ހާމިދު މުހައްމަދު ހައުލީ ހިމެނޭ ކަމަށް އިޒްރޭލުން ވަނީ ކަށަވަރުކޮށްދީފަ އެވެ.
އިޒްރޭލުން ބުނާ ގޮތުގައި ޝަހީދުކޮށްލި ފަރާތްތަކަކީ ހަމާސް ޖަމާއަތާއި އިސްލާމިކް ޖިހާދަށް ނިސްބަތްވާ "ޓެރަރިސްޓުން"ނެވެ. ނަމަވެސް މި ހަމަލާތަކާ ގުޅޭގޮތުން ހަމާސް އިން އަދި ވަކި އެއްޗެއް ބުނެފައެއް ނުވެ އެވެ.
