އެމަނިކުފާނު މިހެން ވިދާޅުވީ ދިރާސީ އާ އަހަރުގެ މުނާސަބަތުގައި އެކްސްގައި ކުރެެއްވި ޕޯސްޓެއްގައެވެ.
ރައީސް މުއިއްޒު ވިދާޅުވީ އިސްލާމްދީނަށާއި ދިވެހި ޤައުމަށް ލޯބިކުރާ، އުޅުމާއި ސުލޫކު ރަނގަޅު، ހަރުދަނާ އަދި ހީވާގި ދަރީންތަކެއް މި ގައުމުގައި ބިނާކުރެވޭނީ، ތަޢުލީމާއި ތަރުބިއްޔަތަށް އަހައްމިއްޔަތުކަން ދީގެންކަމަށެވެ. އަދި ތައުލީމު އުނގެނުމާއި އުނގަންނައިދިނުމަކީވެސް ވަރަށް ބޮޑު ދީނީ އަދި ގައުމީ ޒިންމާއެއްކަން ފާހަގަކުރައްވަމުން ރައީސް މުއއިއްޒު ވިދާޅުވީ ގައުމަށް ފާގަތިކަމާއި ކުރިއެރުން ހޯދޭނީ އެންމެން އިހްލާސްތެރިވީ މިންވަރަކުންކަމަށެވެ.
މަސްދުވަހުގެ ބޮޑު ޗުއްޓީއަކަށް ފަހު ދިރާސީ އާ އަހަރުގެ ކިޔެވުން މިއަދު ވަނީ ފަށާފައެވެ.
އެޑިއުކޭޝަން މިނިސްޓްރީހެ ހިސާބުތައް ދައްކާގޮތުން ޕްރީސްކޫލުން ފެށިގެން ގްރޭޑް 12 އާ ހަމައަށް، މި އަހަރު 80،715 ދަރިވަރުން ތައުލީމު ހާސިލް ކުރާނެއެވެ. މި ދަރިވަރުންނަށް ކިޔަވާ ދިނުމުގައި 9،952 ޓީޗަރުން ހަރަކާތްތެރިވާއިރު ސަރުކާރުގެ 218 ސްކޫލެއްގައި ކިޔަވާދޭނެއެވެ.
ދިރާސީ އަހަރަށް އަތޮޅުތަކުން މާލޭ ސްކޫލްތަަކުގައި ކިޔަވަން ބޭނުންވެގެން 1500 ދަރިވަރުން ބަދަލުވިކަމަށް އެޑިއުކޭޝަން މިނިސްޓްރީން ވަނީ ބުނެފައެވެ.
