އިއްޔެ ހަވީރު އަލިފާނުގެ ހާދިސާއެއް ހިންގީ ހިޔާ ޓަވަރު ފަހެއްގައެވެ. އަލިފާން ރޯވީ އޭސީއެއްގެ އައުޓް ޑޯ ޔުނިޓްގައެވެ.
އެންޑީއެމްއޭ އިން ބުނީ ހިޔާ ޓަވަރު 5 ގައި ރޭގައި ހިނގާ ދިޔަ އަލިފާނުގެ ހާދިސާއާއި ގުޅިގެން އެ ޓަވަރުގެ 7 އެޕާޓްމަންޓެއްގެ 37 ފަރާތަކަށް ވަގުތީ ބޯހިޔާވަހިކަން ފޯރުކޮށްދީފައިވާކަމަށެވެ. އަދި ރޭގެ މި ހާދިސާއަށް ފަހު އެޓަވަރުގެ ނަރުދަމާއަށް ލިބުނު ގެއްލުން ދެނެގަނެ ގެއްލުންތައް މަރާމާތުކުރުމުގެ މަސައްކަތް އެޗް.ޑީ.ސީ.އިން ކުރަމުން އަންނަކަމަށްވެސް އެންޑީއެމްއޭއިން ބުނެއެވެ.
" ހަމައެހެންމެ މި އަލިފާނުގެ ހާދިސާއާއި ގުޅިގެން އިތުރަށް ބަލަން ޖެހޭ ކަންކަން އެޗް.ޑީ.ސީ އާއި އިތޯރިޓީން މި ދަނީ ބަލަމުންނެވެ. މި ހާދިސާއާއި ގުޅިގެން އެހީތެރިކަމެއް ބޭނުންވާ ނަމަ އެން.ޑީ.އެމް.އޭގެ އެމެޖެންސީ ހޮޓްލައިން 115 އަށް ގުޅުއްވުން އެދެމެވެ.." އެންޑީއެމްއޭ އިން އެކްސްގައި ކުރި ޕޯސްޓެްްގައި ވެއެވެ.
އަލިފާނުގެ ހާދިސާއާ ގުޅިގެން އެ ޓަވަރުގައި އަޅާފައިވާ މައި ފާޚާނާ ހޮޅިއަށް ގެއްލުންލިބި، ބައެއް އެޕާޓްމެންޓްތަކުގެ ފާޚާނާ މިހާރު ބޭނުންނުކުރެވޭ ކަމަށް ވަނީ އެނގިފައެވެ.
