އީސީއަށް އާ މެމްބަރަކު އައްޔަންކުރަނީ އެ ކޮމިޝަންގެ މެމްބަރުގެ މަގާމުގައި ހުންނެވި ޑރ. މުހައްމަދު ޒާހިރުގެ ދައުރު ހަމަވުމާ ގުޅިގެންނެވެ.
އެ މަގާމަށް ހުޅުވާލުމުން ކުރުމަތިލީ ފަރާތްތަކުގެ ނަންތައް މަޖިލިހަށް ރައީސް ޑރ. މުހައްމަދު މުއިއްޒު މިއަދު ވަނީ ފޮނުވާފައެވެ. އެމަނިކުފާނު މަޖލިހަށް ފޮނުވީ ސިޓީގައި ވަނީ އީސީގެ މެމްބަރުކަމަށް ރިފްއަތު އަބްދުﷲ އައްޔަންކޮށްދިނުމަށް އެދިވަޑައިގެންފައެވެ.
މިއަދުގެ މަޖިލީހުން ވަނީ ރިފްއަތުގެ ނަން ދިރާސާކުރަން މިނިވަން މުއައްސަސާތަކާ ބެހޭ ކޮމިޓީއަށް ފޮނުވާފައެވެ.
މިހާރު ނޭޝަނަލް އިންޓަގްރިޓީ ކޮމިޝަންގެ ޑިރެކްޓަރެއްގެ މަގާމުގައި ހުންނެވި ރިފްއަތަކީ ރިއްފަތަކީ އިލެކްޝަންސް ކޮމިޝަނުގެ ވަކީލެއްގެ ގޮތުގައި މަސައްކަތް ކުރައްވާފައިވާ ބޭފުޅެކެވެ.
އިލެކްޝަން ކޮމިޝަންގައި މިހާރު ތިއްބަވަނީ އެ ކޮމިޝަނުގެ ރައީސް މުހައްމަދު ޒާހިދާއި މެމްބަރު އަބްދުއްރަހުމާން ސަލާހު ރަޝީދާއި ހަަސަން ޒަކަރިއްޔާގެ އިތުރުން އަބްދުލްހަސީބު އިސްމާއީލެވެ.
