ހައުސިން މިނިސްޓްރީން އިން މިއަދު ބުނީ މާލޭގައި ދިރިއުޅޭ ރައްޔިތުން ދިރިއުޅުމަށް ބިމަށް އެދި ހުށަހެޅުމުގެ މުއްދަތު 30 އެޕްރީލްގެ 23:59 އާ ހަމައަށް އިތުރުކުރުމަށް ނިންމައިފައިވާ ކަމަށެވެ.
އަދި މާލޭގައި ދިރިއުޅޭ ރައްޔިތުން ފުލެޓަށް އެދި ހުށަހެޅުމުގެ މުއްދަތު ވެސް 30 އެޕްރީލްގެ 23:59 އާ ހަމައަށް އިތުރުކުރުމަށް ނިންމައިފައިވާ ކަމަށެވެ.
ބޯހިޔާވަހިކަން އެންމެނަށް ސިޔާސަތުގެ ދަށުން މިހާތަނަށް 5000 އަށްވުރެ ގިނަ ފޯމު ހުށައަޅާފައިވާކަމަށް ހައުސިން މިނިސްޓްރީން ވަނީ ބުނެފަ އެވެ. އެއީ ގޯއްޗަށް އެދި 1،633 އެޕްލިކޭޝަަނަކާއި ފްލެޓަށް އެދި 3،434 އެޕްލިކޭޝަނެކެވެ. އެ މިނިސްޓްރީން ބުނީ މުހިންމު އަވަހަށް އެޕްލައިކުރުމުގެ ބަދަލުގައި ހުރިހައި ލިޔެކިޔުންތަކެއް ހަމަކޮށް ފޯމު ހުށައެޅުންކަމަށެވެ.
މިދިޔަ މަހުގެ 18 ގައި ހުޅުވާލި "އާއިލީ ބޯހިޔާވަހިކަން" ޕްރޮގްރާމްގެ ދަށުން 7،900 ފްލެޓާއި 1،250 އަކަފޫޓުގެ ޖުމްލަ 15،000 ގޯތި ދޫކުރަން ސަރުކާރުން ވަނީ ނިންމައިފަ އެވެ.
