އެމްޑަބްލިޔުއެސްސީ އިން ބުނި ގޮތުގައި މި ޕްރޮމޯޝަން ކުރިއަށްދާނީ މިމަހުގެ 1 ވަނަ ދުވަހުން ފެށިގެން މޭ 31، 2026 ގެ ނިޔަލަށެވެ.
އެ ކުންފުނިން އިތުރަށް ބުނީ، ނަސީބުވެރިން ހޮވުމުގައި އިންސާފުވެރިކަމާއި ދެފުށް ފެންނަ ގޮތަށް ކަންކަން ކުރިއަށް ގެންދިއުމަށްޓަކައި، ގުރުއަތުލުން ކުރިއަށްދާނީ ޑިޖިޓަލް ނިޒާމެއްގެ ތެރެއިން ކަމަށެވެ. އަދި ނަސީބުވެރިންގެ މައުލޫމާތު ރަސްމީކޮށް އިއުލާނުކުރުމުގެ އިތުރުން، އެ ފަރާތްތަކަށް ސީދާ ގުޅައިގެން އެކަން އަންގާނެ ކަމަށެވެ.
ގުރުއަތުން ހޮވުނު ފަރާތްތައް ރަސްމީކޮށް އިއުލާނުކުރެވޭނީ އެމްޑަބްލިޔުއެސްސީގެ ސޯޝަލް މީޑިއާ، ވެބްސައިޓް އަދި ކަސްޓަމަރުންނާ މަޢުލޫމާތު ފޯރުކޮށްދޭ އެހެނިހެން ވަސީލަތްތައް މެދުވެރިކޮށް ކަމަށާ، ގުރުއަތު ނަގަން ހަމަޖެހިފައިވާ ތާރީހު ކަސްޓަމަރުންނާއި ފަހުން ހިއްސާކުރެވޭނެ ކަމަށްވެސް އެ ކުންފުނިން ބުނެއެވެ.
ޑިޖިޓަލްކޮށް ބިލްތަކަށް ފައިސާ ދެއްކުމުގެ ލުއިފަސޭހަކަން ތަޖުރިބާކުރައްވަމުން، މި ޕްރޮމޯޝަންގެ ދަށުން ހުށަހެޅިފައިވާ އަގުހުރި އިނާމުތައް ހޯދުމަށް އެމްޑަބްލިޔުއެސްސީ އެޕް މެދުވެރިކޮށް، މިފުރުޞަތުގެ ބޭނުން ހިފުމަށް ހުރިހާ ކަސްޓަމަރުންނަށް އެ ކުންފުނިން އިލްތިމާސްކުރެ އެވެ.
މި ޕްރޮމޯޝަނުގެ މައިގަނޑު މަގުސަދަކީ އެމްޑަބްލިޔުއެސްސީގެ ކަސްޓަމަރުންނަށް ފަހި ފުރުސަތެއް ތަނަވަސް ކޮށްދިނުމާއިއެކު ވީހާވެސް ގިނަ ކަސްޓަމަރުން އެމްޑަބްލިޔުއެސްސީގެ އެޕް އަދި އީ-ޕޯޓަލްއަށް އަހުލުވެރިކޮށް އެޕް އަދި އީ-ޕޯޓަލް ބޭނުންކުރާ ކަސްޓަމަރުންގެ އަދަދު އިތުރުކުރުން ކަމަށް އެ ކުންފުނިން ބުންޏެވެ.
