ސަތޭކައަށް ވުރެ ގިނަ މީހުން އަތުން ފައިސާ އެ ގްރޫޕުން އުމްރާއަށް ދާން ފައިސާ ދެއްކި މީހުން ބުނީ ދަތުރު ކެންސަލްވިކަން ގްރޫޕުން އެންގީ ރޭ ފުރަން އޮއްވާ އިއްޔެ މެންދުރު ފަހުގެ ވަގުތެއްގައިކަމަށެވެ. އެމީހާ ބުނީ މީގެ ކުރިން ގުރޫޕުން މައުލޫމާތު ދެމުން އައީ މިހާރު މެދުއިރުމަތީ ހިނގާ ހަނގާރަމައިގެ ސަބަބުން ފްލައިޓްތައް ކެންސަލްވި ނަމަވެސް އެ ގްރޫޕްގެ ދަތުރަށް އެއްވެސް ބަދަލެއް ނާންނަކަމަށެވެ. އެހެން ނަމަވެސް ކުއްލިއަކަށް ދަތުރު ކެންސަލް ކުރިކަން އެނގީ ހަނގުރާމަ އާ ގުޅުވާފައިކަމަށް ވެސް އެ މީހާ ބުނެފައިވެ އެވެ.
މިކަމާއި ގުޅިގެން ހައްޖު ކޯޕަރޭޝަންގެ މެނޭޖިން ޑިރެކްޓަރު މުހައްމަދު ޝަކީލް އެކްސްގައި ކުރެއްވީ ޕޯސްޓެއްގައި ވިދާޅުވީ މި ރޯދަމަހު އުމްރާގެ އަޅުކަމަށް ގެންދާނެ ކަމަށް ބުނެ އަބްރާރް ގުރޫފުން އެކަމުގެ އިންތިޒާމްތައް ހަމަޖައްސާފައި ނުވާ މީހުންގެ ތެރެއިން ބަޔަކަށް އެ ކޯޕަރޭޝަނުން ޖާގަ ހަމަޖައްސާދީފައިވާކަމަށެވެ. އެގޮތުން 28 މީހަކަށް ކޯޕަރޭޝަނުން ޖާގަ ދިންކަމަށް ޝަކީލް ވިދާޅުވިއެވެ.
އިސްލާމިކް މިނިސްޓްރީން ބުނީ އަބްރާރު ގުރޫޕުން ލަނޑުދިން މައްސަލަ މިނިސްޓްރީގެ ސަމާލުކަމަށް އައިސްފައިވާކަމަށެވެ. އަދި މައްސަލަ ބަލަމުން އަންނަކަމަށާއި ފިޔަވަޅު އަޅަންޖެހޭ ފަރާތެއްވާ ނަމަ ފިޔަވަޅު އަޅާ މައްސަލަ ހައްލުކޮށްދޭނެކަަމަށް އިސްލާމިކް މިނިސްޓްރީން ވަނީ ބުނެފަ އެވެ.
