އެކްސްގައި ޝައުނާ ކުރެއްވި ޕޯސްޓެއްގައި ވިދާޅުވީ އިކޮނޮމިކް ކައުންސިލުން ދިން ލަފަޔަކާ ގުޅިގެން އިއްޔެ އޭނާ އޭސީސީއަށް ހާޒިރު ކޮށް ސުވާލުކޮށްފައިވާކަމަށެވެ. ޝައުނާ ވިދާޅުވީ އޭނާގެ މިނިސްޓަރުކަމުގައި ދިވެހިރާއްޖޭގެ ގާނޫނުއަސާސީ އާއި ގާނޫނުތަކާއި ހިލާފު އެއްވެސް ކަމެއް ކޮށްފައި ނުވާނެ ކަމަށެވެ.
ޝައުނާ އޭސީސީއަށް ހާިރުކުރީ ކޮން މައްސަލައެއްގައިކަމެއް އެ ކޮމިޝަނުން މިހާތަނަށް ބުނެފައެއް ނުވެއެވެ.
އެނގިފައިވާ ގޮތުގައި އޭސީސީން ތަހުުގީގު ކުރަމުން ދަނީ ބަދަލު ދިނުމުގެ މައްސަލައެއްގައި އިކޮނޮމިކް ކައުންސިލުން ދިން ލަފައެއްގެ މައްސަލައެކެވެ. އެހެންނަމަވެސް އެއީ ކޮން މައްސަލައެއްކަމެއް ސާފެއް ނުވެއެވެ.
ސަރުކާރާ އަމިއްލަ ފަރާތްތަކާ ދެމެދު ވެފައިވާ އެއްބަސްވުންތަކާ ގުޅިގެން އުފެދިފައިވާ މައްސަލަތައް ހައްލުކުރުމުގައި އަމަލުކުރާނެ ގޮތުގެ އުސޫލުގެ ނަމުގައި މިދިޔަ ސަރުކާރުން ވަނީ 2022 ވަނަ އަހަރުގެ ނޮވެމްބަރު 28ގައެވެ.
އެ އުސޫލުގައިވާ ގޮތުން ބަދަލު ދެވޭނީ އެކަން އެކަމާއި ގުޅޭ އިދާރާއަކުން ތަހުގީގު ކުރުމަށްފަހުއެވެ. އަދި އެ ނިންމުން ސެޓްލްމެންޓް ކޮމިޓީއަށް ފޮނުވުމުން އެ ކޮމިޓީން ދިރާސާ ކުރުމަށްފަހު އިކޮނޮމިކް ކައުންސިލަށް ހުށައަޅަން ޖެހެއެވެ. އަދި އެބަޔަކަށް ބަދަލުދޭން ނިންމާނީ ކައުންސިލުން ދޭ ލަފަޔަކާ ބެހޭގޮތުން ކެބިނެޓުގައި މަޝްވަރާ ކުރުމަށްފަހުއެވެ.
