Advertisement

މިނިސްޓްރީން ބުނީ ފަހު ދިހައެއްގައި އިއިތިކާފަށް ތިބެވޭނީ މާލޭގެ 16 މިސްކިތަކާއި ވިލިމާލޭގެ މަސްޖިދުއް ބިއްރިގައިކަމަށެވެ. އޭގެ އިތުރުން ހުޅުމާލެ ފޭސް 1 ގެ ފަސް މިސްކިތަކާއި ފޭސް 2 ގެ ތިން މިސްކިތެއްގައިވެސް އިއުތިކާފަށް ތިބުމުގެ ހުއްދަ ވަނީ މިނިސްޓްރީން ދީފައެވެ. 

މާލޭގައި އިއުތިކާފަށް ތިބެވޭ މިސްކިތްތަކުގެ ތެރޭގައި އިސްލާމީ މަރުކަޒާއި ސަލްމާން މިސްކިތްވެސް ހިމެނެއެވެ.

މާލޭގައި އިއުތިކާފަށް ތިބެވޭ މިސްކިތްތައް 

1. އިސްލާމީ މަރުކަޒު
2. ސަލްމާން މިސްކިތް
3. ވިޔަފާރިވެރިންގެ މިސްކިތް
4. ފުރުގާން މިސްކިތް
5. ނޫރު މިސްކިތް
6. ޝަހީދުއަލީ މިސްކިތް
7. ތައިބާ މިސްކިތް
8. ދުނބުރި މިސްކިތް
9. ފަނޑިޔާރު މިސްކިތް
10. ބަންޑާރަ މިސްކިތް
11. ސަލާހުއްދީން މިސްކިތް
12. ޖަލާލުއްދީން މިސްކިތް
13. އިބްރާހިމް މިސްކިތް
14. އިސްކަންދަރު މިސްކިތް
15. ބަރުބަރީ މިސްކިތް
16. ފައިފޮހޭ މިސްކިތް

ވިލިމާލޭގައި ދަމު ނަމާދުކުރާ މިސްކިތްތައް 

1. މަސްޖިދުލް ބިއްރި

ހުޅުމާލޭގައި ދަމު ނަމާދުކުރާ މިސްކިތްތައް 

1. ވައްގުބު މިސްކިތް / ފޭސް 1 
2. ރަޝީދު މިސްކިތް / ފޭސް 1 
3. އަޒީޒާ މުސާ މިސްކިތް / ފޭސް 1 
4. އަސްދިގާ މިސްކިތް / ފޭސް 1 
5. މުހައްމަދު މިސްކިތް / ފޭސް 1 
6. ހަސަން އާދަމް މިސްކިތް  / ފޭސް 2
7. އިމާން މިސްކިތް / ފޭސް 2 
8. އަމީލް ޖަލީލް މިސްކިތް / ފޭސް 2 

ރަމަޟާންމަހުގެ ފަހުދިހައިގައި މިސްކިތުގައި އިއުތިކާފުކުރުމަކީ ގަދަވެގެންވާ ސުންނަތެކެވެ. އިއުތިކާފް ކުރާނެގޮތަކީ ރޯދަމަހުގެ 20 ވަނަދުވަހު އިރު އޮއްސުމުގެކުރިން މިސްކިތަށް ވަދެ އިއުތިކާފުގެ ނިޔަތްގަނެ ޝައްވާލުމަހުގެ ހަނދުފެނިއްޖައުމަށް ދާންދެން މިސްކިތުގައި ނަމާދުކުރުމާއި ޒިކުރު ކުރުމާއި ގުރުއާން ކިޔެވުމުގައި މަޑުކުރާނީއެވެ.

ރަމަޟާންމަހުގެ ފަހުދިހައެއްގައި އިއުތިކާފުކުރުމުމަށް ނިޔަތް ގަތްމީހާ ޝައްވާލުމަހުގެ ހަނދުފެނުމުގެ ކުރިން ފާހާނާކުރުމާއި ކެއުން ބުއިންފަދަ ޒަރޫރީކަމަކަށްޓަކައި ނޫނީ މިސްކިތުން ނިކުތުން ހުއްދަވެގެން ނުވެއެވެ. މިނޫން ހާލަތެއްގައި މިސްކިތުން ނިކުމެއްޖެނަމަ އިއުތިކާފު ބާތިލުވެއެވެ.