އެފްޑީސީން ހުޅުމާލޭއިން އަލަށް ދޫކުރި ފްލެޓްތައް ެއެކި ފަރާތްތަކަށް ކުއްޔަށް ދޫކުރާކަމުގެ އަޑުތައް ވަނީ ގަދަވެފައެވެ.
އެގޮތުން މީހްކު ތަނެއް ކުއްޔަށް ދިނުމަށް ސޯޝަލް މީޑިއާގައި އާއްމުކި ޕޯސްޓެއް ޝެއާ ކުރައްވަމުން ހަމްދާން ޝަކީލް ވިދާޅުވީ އެ ޕޯސްޓުގެ މައްސަލަ ބަލަމުން އަންނަކަމަށެވެ. ހަމްދާން ވިދާޅުވީ ބޯހިޔާވަހިކަމަށް ދިން ފްލެޓެއް އެހެން ބަޔަކަސް ކުއްޔަށް ދިނުމަކީ މަނާކަމެއްކަމަށެވެ. އަދި އެކަން ކުރާ ފަރާތްތައް 50،000 ރުފިޔާއިން ޖޫރިމަނާ ކުރާނެކަމަށްވެސް ހަމްދާން ވިދާޅުވިއެވެ. އަދި މައްސަލަ ބަލާ އެ ފަރާރްތަކަށް ދީފައިވާ ފްލެޓް އަތުލާނެކަމުގެ އިންޒާރުވެސް ހަމްދާން ވަނީ ދެއްވާފައެވެ.
އެފްޑީސީގެ 'އަމާން އުދަރެސް' ފްލެޓެއް ކުއްޔަށް ދޫކުރުމުން އެ ފްލެޓުގެ ވެރިފަރާތް މީގެކުރިން 50،000 ރުފިޔާއިން ވަނީ ޖޫރިމަނާކޮށްފައެވެ. ތިން ކޮޓަރީގެ އެ ފްލެޓްގެ ދެ ކޮޓަރި ލޭބާ ކުއާޓާއެއްގެ ގޮތުގައި ނޭޕާލު ބަޔަކށް ކުއްޔަށް ދިނުމުން އެމީހުން ނެރެ އެފްޑީސީން އެންގިއެވެ. އެތަނުން ބިދޭސީން ހުސްކޮށް މިހާރު އެތަނުގައި އުޅެމުން އަންނަނީ ތަނުގެ ވެރިފަރާތްކަމަށްވެސް އެފްޑީސީން ވަނީ ބުނެއެވެ.
އިންޑިއާގެ ދެ ކުންފުންޏަކާ ހަވާލުކޮށްގެން ކުރިއަށް ގެންދިޔަ އެ މަޝްރޫއުގެ ދެ ކޮޓަރީގެ ފްލެޓަށް ސަރުކާރުން ކަނޑައެޅި ކުއްޔަކީ މެއިންޓެނަންސް ފީއާ އެކު 8،000ރ. އެވެ. އަދި ތިން ކޮޓަރީގެ ކުއްޔަކީ މެއިންޓެނަންސް ފީއާ އެކު ކުއްޔަށް 11،500ރ. އެވެ.
