އެމްއެންޑީއެފް އިން ބުނީ، މި ހާދިސާގެ މައުލޫމާތު ލިބުނީ، މިއަދު މެންދުރު 1:30 ހާއިރު ކަމަށެވެ. އެއާ އެކު، އެމްއެންޑީއެފް ސަދަން އޭރިއާ ކޮމާންޑް، އައްޑޫ ހިތަދޫ ފަޔާ ސްޓޭޝަނުގެ ފަޔަފައިޓަރުން އަލިފާން ނިއްވުމުގައި ހަރަކާތްތެރިވާން ފެށި އެވެ.
އަލިފާން ނިއްވުމުގެ މަސައްކަތް ކުރަމުން ދަނިކޮށް މެންދުރު ފަހު 3:30 ހާއިރު އެ ދޯނި ކަނޑ އަޑިއަށް ގޮސްފައިވާ ކަމަށް އެމްއެންޑީއެފުން ބުންޏެވެ.
އެމްއެންޑީއެފުން ބުނީ އެ ހާދިސާގައި އެކެއްގެ ފައި ފިހިގެން ފޭދޫ ސިއްހީ މަރުކަޒުގައި ފަރުވާ ދިނުމަށް ފަހު، މިހާރު ދޫކޮށްލާފައިވާ ކަމަށެވެ.
ޑައިވިން ދޯނީގައި އަލިފާން ރޯވުމުން އެ ވަގުތު ދޯނީގައި ތިބި މީހުން އެރީ އެ ދޯނި ކައިރީގައި އޮތް ސަފާރީއަކަށް ކަމަށް އެމްއެންޑީއެފުން ބުންޏެވެ.
މި ހާދިސާ ހިނގަން މެދުވެރިވި ސަބަބެއް އަދި ވަނީ ސާފުވާ ގޮތް ނުވެފަ އެވެ.
