މި އެވޯޑް ހަފުލާގައި ކްރިތީ އަށް އެންމެ މޮޅު ބަތަލާގެ އެވޯޑް ލިބުނީ އޭނާގެ ފިލްމު 'ތެރޭ އިޝްގު މޭ' އަށެވެ. ނަމަވެސް ގިނަ ބަޔަކު ބުނަމުންދަނީ އެ އެވޯޑް ހައްގީ 'ހައްގު' އިން ފެނިގެންދިޔަ ޔާމީ އަށް ކަމަށެވެ.
މި މައްސަލަ ހޫނުވުމާ ގުޅިގެން ޔާމީ ވަނީ ސޯޝަލް މީޑިއާ މެދުވެރިކޮށް އެކަން ސާފުކޮށްދީފައެވެ. ޔާމީ ބުނީ އެއީ ގަސްދުގައި ކުރި ކަމެއް ނޫން ކަމަށާއި، ފޯނުން ސޯޝަލް މީޑިއާ ބަލަމުން ދަނިކޮށް އޮޅުމަކުން ލައިކް ދެވުނީ ކަމަށެވެ. އަދި އޭނާގެ އެކައުންޓަކީ އޭނާ އަމިއްލައަށް ބަލަހައްޓާ އެކައުންޓެއް ކަމަށާއި، މިފަދަ ކަންކަމަކީ އިންސާނުންނަށް އޮޅުމަކުން ކުރެވޭނެ ކަންކަން ކަމަށްވެސް ޔާމީ ބުންޏެވެ.
ޔާމީ އިތުރަށް ބުނި ގޮތުގައި އޭނާއަކީ ދުވަހަކުވެސް އަގުހެޔޮ ޕީއާރު އުކުޅުތައް ބޭނުންކުރާނެ މީހެއް ނޫނެވެ.
މިހާރު ޔާމީ ވަނީ އެ ވީޑިއޯއިން ލައިކް ނަގާފައެވެ. ނަމަވެސް ދެ ތަރިންގެ ފޭނުންގެ މެދުގައި އަދިވެސް މި ބަހުސް ދަނީ ކުރިއަށެވެ.
