2023 ވަނަ އަހަރުގެ ފެބްރުއަރީ މަހުގެ 14 ވަނަ ދުވަހު، މެންދުރު ފަހު، ވިލިމާލޭ ފެރީ ޓާމިނަލްތެރޭގައި ކަތިވަޅިއަކުން މީހަކަށް ހަމަލާދިން މައްސަލައިގައި ޖަލަށްލާން ހުކުމް ކުރީ މުޙައްމަދު ޝަފީޤު، ގދ.ގައްދޫ / ޖަނބުރޯޒްގަސްދޮށުގެ އެވެ.
އެ މައްސަލައާ ގުޅިގެން ދައުލަތުން މުޙައްމަދު ޝަފީޤުއާ ދެކޮޅަށް ކުރި ތޫނު އެއްޗެއް ބޭނުންކޮށްގެން މާރާމާރީ ހިންގުމުގެ ދައުވާއަށް އޭނާވަނީ ޝަރިއަތުގައި އިއުތިރާފުވެފައެވެ.
މި މައްސަލައިގައި އިއްވި ހުކުމުގައިވަނީ ހަތް އަހަރު ދުވަހަށް ޝަފީގު ޖަލަށްލާން ހުކުމްކޮށްފައެވެ. އެހެންނަމަވެސް، މި މައްސަލައިގައި ޝަފީގު ބަންދުކޮށްފައި ހުރި ތިން އަހަރު، ހުކުމުން އުނިކުރުމުން ދެން އޭނާ ޖަލުގައި ހުންނަން ޖެހޭނީ ހަތަރު އަހަރުއެވެ.
