ނަޝީދު އެކްސްގައި ކުރެއްވި ޕޯސްޓެއްގައި ވިދާޅުވީ މިއަދު ނެގި ވޯޓުގައި އެމްޑީޕީން ވަނީ ބޮޑު ތަނުން ސަރުކާރު ބަލިކޮށް ކާމިޔާބު ހޯދާފައިކަމަށެވެ.
މިއަދު ކުރިޔަށް ދިޔަ ލޯކަލް ކައުންސިލް އިންތިހާބުގައި ހުރިހާ ސިޓީއެއްގެ މޭޔަރުކަން ކާމިޔާބުކޮށްފައިވަނީ އިދިކޮޅު އެމްޑީޕީންނެވެ. އަދި ދެ އިންތިހާބު އެއްކޮށްލަން ފެނޭތޯ އެހި ވޯޓުގައިވެސް ސަރުކާރު ވަނީ ބަލިވެފައެވެ. އެ އިންތިހާބުގައި ގިނަ ބަޔަކު ވަނީ ދެ އިންްތިހާބު އެއްކޮށްލަން ނުފެންނަ ކަމަށް ވޯޓް ދީފައެވެ.
