އެމަނިކުފާނު މިހެން ވިދާޅުވެފައި މިވަނީ މިއަދުގެ އިންތިހާބުގައި ސަރުކާރަށް ލިބުނު ނާކާމިޔާބީއަށް ފަހު އއެކްސްގައި ކުރެއްވި ޕޯސްޓެއްގައެވެ.
ރައީސް މުއިއްޒު ކުރެއްވި ޕޯސްޓުގައި ވިދާޅުވީ މިއަދު ބޭއްވުނު ލޯކަލް ކައުންސިލްތަކާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިންތިހާބު އަދި ރައްޔިތުންގެ ހިޔާލު ހޯދުމުގެ އާންމު ވޯޓުގެ ނަތީޖާ އިހްތިރާމާއެކު ބަލައިގަންނަވާކަމަށެވެ. އަދި އިންތިހާބު ކާމިޔާބު ކުރެެއްވި ހުރިހާ ފަރާތްތަކަށް ރައީސް މުއިއްޒު ވަނީ ތަހްނިޔާ ދަންނަވާފައެވެ. ރައީސް މުއިއްޒު ވިދާޅުވީ ސަރުކާރު ރަނގަޅު ކުރަންޖެހޭކަން ކަންކަން ކުރުމުގައި ދެމި ހުންނަވާނެކަމަށެވެ.
މިއަދު ބޭއްވި އިންތިހާބުގައި އިދިކޮޅު އެމްޑީޕީން ވަނީ ހުރިހާ ސިޓީއެއްގެ މޭޔަރުގެ ގޮނޑި ކާމިޔާބުކޮށް ދެވަނަ ދައުރެއް ޔަގީންކޮށްފައެވެ. އަދި ހުރިހާ ސިޓީއެއްގެ ކައުންސިލްގެ މެޖޯރިޓީވެސް ވަނީ ނަގާފައެވެ.
މީގެއިތުރުން ދެ އިންތިހާބު އެއްކުރަން ނެގި ވޯޓުންވެސް ސަރުކާރަށް ވަނީ ނާކާމިޔާބު ވެފައެވެ. އެގޮތުން މިހާތަނަށް ގުނި ނަތީޖާތައް ދައްކާގޮތުން 70 އިންސައްތަ މީހުން ބުނެފައިވަނީ ދެ އިންތިހާބު އެއްކުރަން ނުފެންނަކަމަށެވެ.
