މެދުއިރުމަތީގައި ފެށިފައިވާ ހަނގުރާމައާއި ގުޅިގެން ރައީސް އެކުލަވާލާފައިވާ މިނިސްޓަރުންގެ ކޮމެޓީން ބޭއްވި ނޫސްވެރިންގެ ބައްދަލުވުމުގައި ޒަމީރު ވިދާޅުވީ ތެލާއި ގޭސް ރާއްޖެއަށް ގެންނަން މުހިއްމު އިސްކަމެއްދީގެން، ކުރިން ގެންނަ ޝެޑިއުލްގެ ބޭރުން އިތުރަށްވެސް ތެޔޮ ގެންނަ އަންނަ ކަމަށެވެ. އަދި ޝެޑިއުލާ އެއްގޮތަށް އޮމާނުން ތެލުގެ ޝިޕްމަންޓްތައް ލިބެމުން އަންނަކަމަށްވެސް ޒަމީރު ވިދާޅުވިއެވެ. ޒަމީރު ވަނީ ތެލުގެ އަގު އުފުލުން އެކަށީގެންވާކަމަށް މިއަދު ވިދާޅުވެފައެވެ.
މިހާލާތާއި ގުޅިގެން ތެލުގެ އަގު އުފުލި ދައުލަތުގެ ބަޖެޓަށް އެކަމުން ކުރާ އަސަރު ކުޑަކުރުމަށް މަސައްކަތް ކުރަމުންދާ ކަމަށް ޒަމީރު ވިދާޅުވިއެވެ. އެގޮތުން ބައިނަލްއަޤްވާމީ އެކި އިދާރާތަކާއިއެކު މަސައްކަތް ކުރަމުންދާކަން ޒަމީރު ފާހަގަކުރެއްވިއެވެ.
