މި ޕާޓްނަޝިޕްގެ ދަށުން ސްރީލަންކަން އެއާލައިންސްގެ ފުޅާ ބައިނަލްއަގްވާމީ ނެޓްވޯކުން މާލެއިން ބޭރުގައި 17 މަންޒިލަކަށް ކުރާ ދަތުރުތަކުގައި އިތުރު ފަސިންޖަރުންނަށް މަރުހަބާ ކިއިގެންދާނެ ކަމަށް އެ މޯލްޑިވިއަން އިން ބުނެ އެވެ.
އަދި މި ޕާޓްނަޝިޕްގެ ސަބަބުން ދުނިޔޭގެ މުހިންމު މާކެޓްތަކުން ކޮލަމްބޯ މެދުވެރިކޮށް ރާއްޖެއަށް ދަތުރުކުރާ ފަރާތްތަކަށް އެއްވެސް ދަތިކަމެއް ނެތި ގުޅުން ބަދަހިވެ، ދަތުރުފަތުރުގެ ގުޅުން އިތުރަށް ބަދަހިވެ، ފަސިންޖަރުންނަށް ފަސޭހަވެގެންދާނެ ކަމަށް އެ އެއާލައިން އިން ބުނެ އެވެ.
މީގެ އިތުރުން މި ޕާޓްނަޝިޕްގެ ސަބަބުން ރާއްޖެއިން ބޭރަށް ދަތުރުކުރާ ފަރާތަކަށް ކޮލަމްބޯ މެދުވެރިކޮށް ބައިނަލްއަގްވާމީ ގިނަ މަންޒިލްތަކަށް ފަސޭހައިން ދަތުރު ކުރެވޭނެ ކަމަށް މޯލްޑިވިއަން އިން ބުނެ އެވެ.
މި ޕާޓްނަޝިޕަކީ ސަރަހައްދީ އެއްބާރުލުން ހަރުދަނާކުރުމާއި، ނެޓްވޯކް އިންޓަގްރޭޝަން އިތުރުކުރުމާއި، އެއްވެސް ދަތިކަމެއް ނެތި ދަތުރުފަތުރުގެ ތަޖުރިބާއެއް ފޯރުކޮށްދިނުމާއި، މޯލްޑިވްސްއަށް ފަތުރުވެރިކަމާއި ވިޔަފާރީގެ ދަތުރުތައް ކުރިއަށް ގެންދިއުމަށް އެހީތެރިވުމުގެ އިތުރުން މޯލްޑިވިއަނުންނަށް ފަސޭހަ އައުޓްބައުންޑް ދަތުރުތައް ފަހިކޮށްދިނުމަށް ދެ އެއާލައިންގެ ވައުދާއި އެއްގޮތް ޕާޓްނަޝިޕެއް ކަމަށް އެ އިދާރާއިން ބުނެއެވެ.
