މިނިސްޓަރު މި ވާހާކަ ދައްކަވާފައި މިވަނީ ދާދި ފަހުން ދަނާލުގައި ދިރިއުޅެމުންދިޔަ 18 އަހަރުގެ އަންހެން ކުއްޖަކު އަމިއްލައަށް މަރުވެފައިވަނިކޮށެވެ.
މިއަދު ރައީސް އޮފީހުގައި އޮތް ނޫސްވެރިންގެ ބައްދަލުވުމުގައި ވާހަކަ ދައްކަވަމުން ހޯމް މިނިސްޓަރު އަލީ އިހްސާން ވިދާޅުވީ ފަހަކަށް އައިސް ުޑަކުދިންނާ ގުޅުންހުރި މައްސަލަތައް ފުލުހުންނަށް ރިޕޯޓްކުރާ މިންވަރު އިތުރުވެފައިވާކަށެވެ. އެހެންކަމުން ބެލެނިވެރިން އެކަމަށް ސަމާލުވުމަށް މިނިސްޓަރު އިހްސާން އެދިވަދައިގަތެވެ. އެހެންނަމަވެސް ރިޕޯޓްކުރާ މައްސަލަތަކުގެ ތަފްސީލެއް މިނިސްޓަރު ނުދެއްވައެވެ.
ފެމިލީ މިނިސްޓްރީން އެންމެ ފަހުން އާންމުކުރި ތަފާސްހިސާބުން ދައްކާ ގޮތުން މިދިޔަ މަހު ކުޑަކުދިންނަށް ކުރާ އެކި ބާވަތުގެ އަނިޔާއާ ގުޅޭ 92 މައްސަލައެއް ވަނީ ރިޕޯޓުކޮށްފައިވެއެވެ. އެއީ އަންހެން ކުދިންނާ ގުޅުންހުރި 60 މައްސަލައަކާއި ފިރިހެން ކުދިންނާ ގުޅުންހުރި 32 މައްސަލައެވެ.
