ރައީސް އޮފީހުގައި ނޫސްވެރިންނާއި ބައްދަލުކޮށް ވާހަކަ ދައްކަވަމުން ރައީސް ޑރ. މުހައްމަދު މުއިއްޒު ވިދާޅުވީ ރައްޔިތުން އިގްތިސާދީ ގޮތުން ދަތިވިޔަ ނުދީ ދަރަނިތައް ދައްކަމުން އަންނަކަމަށެވެ. އެގޮތުން ރާއްޖެއިން ބޭރަށް ދައްކަންޖެހޭ ބޮޑު ދެ ދަރަންޏެއް 21 ދުވަހުގެ ތެރޭގައި ދައްކާފައިވާކަމަށް ރައީސް މުއިއްޒު ވިދާޅުވިއެވެ.
ބޭރުގެ ދަރަނިތަކުގެ އިތުރުން ދިވެހި ކުންފުނިތަކަށް ދައްކަންޖެހޭ ދަރަނިތައް ދައްކަމުން ގެންދަވާކަމަށްވެސް ރައީސް ޑރ. މުހައްމަދު މުއިއްޒު ވިދާޅުވިއެވެ. އެގޮތުން މިދިޔަ 6 މަސް ދުވަހުގެ ތެރޭގައި ދިވެހި ކުންފުނިތަކަށް 3.3 ބިލިއަން ރުފިޔާ ދައްކާފައިވާކަމަށް ރައީސް މުއިއްޒު ވިދާޅުވިއެވެ.
މިދިޔަ ހަ މަސް ދުވަހުގެ ތެރޭގައި އެންމެ ގިނައީ އެކިއެކި ބޭސް ކުންފުނިތަކާއި ފާމަސީތައްކަމަށް ރައީސް މުއިއްޒު ވިދާޅުވިއެވެ. އަދި މި ހަފުތާ ތެރޭގައި އިތުރު 260 މިލިއަން ރުފިޔާ ދޫކުރާނެކަމަަށްވެސް ރައީސް މުއިއްޒު ވިދާޅުވިއެވެ.
