ކެންދޫ ދާއިރާގެ މެންބަރު މައުރޫފް ޛާކިރު ހުށަހެޅުއްވި މައްސަލައިގައިވަނީ، މެދުއިރުމަތީގެ ހަނގުރާމައިގެ ސަބަބުން ރާއްޖޭގެ ފަތުރުވެރިކަމުގެ ދުވެލި މަޑުޖެހި، ފަތުރުވެރިން އައުން ދަށްވުމުގެ ނަތީޖާއެއްގެ ގޮތުން އެ ސިނާއަތުގެ ވިޔަފާރިތަކަށް ލިބޭ އާމްދަނީ ދަށްވެފައިވާ ކަމަށެވެ.
އޭނާ ވިދާޅުވީ، މިދިޔަ އަހަރު ރާއްޖޭގެ އިގުތިސާދުގެ ކުރިއެރުން އޮތީ 5.4 އިންސައްތައިގައި ކަމަށެވެ. ނަމަވެސް އޭޝިއަން ޑިވެލޮޕްމަންޓް ބޭންކު (އޭޑީބީ)އިން އަންދާޒާކުރާ ގޮތުގައި، އެ އަދަދު އެއް އިންސައްތައަށް ދަށްވާނެ ކަމަށް، މައުރޫފް ވިދާޅުވި އެވެ.
ވުމާއެކު، ފަތުރުވެރިކަމުގެ ސިނާއަތުގެ ވިޔަފާރިތަކަށް މި މުއްދަތުގައި ލުއިތަކެއްދީ، ފައިސާ ދައުރުކުރުމަށް އެހީތެރިވެދޭނެ ފިޔަވަޅުތައް އެޅުން މުހިއްމުކަމުގައި މައުރޫފް ފާހަގަކުރެއްވި އެވެ. އެގޮތުން، އޭނާ ފާހަގަކުރެއްވި ފިޔަވަޅުތަކުގެ ތެރޭ ހިމެނެނީ:
އެ ގަރާރު ބަލައިނުގަނެ ބޭރުކޮށްލީ މަޖިލީހުގެ ތަޅުމުގައި ނެގި ވޯޓުގައި 33 މެމްބަރުންގެ ވޯޓުންނެވެ. ގަރާރު ބަލައިގަންނަން ވޯޓުދެއްވީ 8 މެމްބަރުންނެވެ.
މިދިޔަ އޭޕްރިލް މަހުގެ 24ވަނަ ދުވަހު ޓޫރިޒަމް މިނިސްޓްރީން އާންމުކުރި ތަފާސްހިސާބުތަކުގައިވާ ގޮތުން، ރާއްޖެއަށް އައި ފަތުރުވެރިންގެ އަދަދު މިދިޔަ އަހަރުގެ އެ މުއްދަތާ އަޅާ ބަލާއިރު 27 އިންސައްތަ ވަނީ ދަށަށް ގޮސްފަ އެވެ. މީގެ މައިގަނޑު ސަބަބަކީ މިހާރު މެދުއިރުމަތީގައި ފެށިގެން އުޅޭ ހަނގުރާމަ ނުވަތަ ނުތަނަވަސްކަމެވެ.
ޓޫރިޒަމް މިނިސްޓްރީން މިދިޔަ މަހުގެ 29 ގެ ނިޔަލަށް ހިސާބުތައް ދައްކާ ގޮތުން މިދިޔަ އެޕްރީލް މަހު އައިސްފައިވަނީ 142518 ފަތުރުވެރިންނެވެ. މި އަދަދަކީ ކުރީ އަހަރު އައިސްފައިވާ 191240 ޓޫރިސްޓުންނާ އަޅާބަލާއިރު 48722 ފަތުރުވެރިން މަދުވުމެވެ. އަދި މިއީ ޕަސެންޓޭޖުން ބަލާބަމަ %25.5 ގެ ބޮޑު ހީނަރުވުމެކެވެ.
މިދިޔަ މަހު ޖުމްލަ ފަތުރުވެރިންގެ އަދަދު ހީނަރުވެގެން ދިޔައިރު ދުވާހަކު އަންނަ ފަތުރުވެރިންގެ އަދަދުން 1680 މީހުން ވަނީ މަދުވެފަ އެވެ. މިދިޔަ އަހަރުގެ އެޕްރީލް މަހު 6594 ފަތުރުވެރިން އައިނަމަވެސް މި އަހަރު މި އަދަދު ހުރީ 4914 ގަ އެވެ.
