ޕީއެންސިޢާ ގުޅިފައިވަނީ އިހަވަންދޫ ކައުންސިލަށް އަމިއްލަ ގޮތުން ހޮވުނު ދެ މެމްބަރަކެވެ. ޕީއެންސީއާ ގުޅިފައިވަނީ ކައުންސިލަށް ހޮވުނު އަމިއްލަ މެމްބަރު މުހައްމަދު ފިރާގާއި އައިޝަތު ސަމާހަތުއެވެ. ސަމާހަތަކީ ހއ. އިހަވަންދޫ ކައުންސިލްގެ އަންހެނުންނަށް ހާއްސަކޮށްފައިވާ ދެ ގޮނޑީގެ ތެރެއިން އެއް ގޮނޑި ކާމިޔާބުކުރި މެމްބަރެވެ.
އިހަވަންދޫ ކައުންސިލުގައި 5 ގޮނޑި ހިމެނޭއިރު މެޖޯރިޓީ ލިބިފައިވަނީ އިދިކޮޅު އެމްޑީޕީއަށެވެ. އޭގެތެރޭގައި ކައުންސިލްގެ ރައީސްވެސް ހިމެނެއެވެ.
އިހަވަންދޫ ކައުންސިލަށް ހޮވުނު ދެ މެމްބަރުންގެ އިތުރުން އެ ކައުންސިލްގެ ރައީސްކަމަށް އަމިއްލަ ގޮތުން ވާދަ ކުރެއްވި އަހްމަދު ސަބާހް ވެސް މިއަދު ވަނީ ޕީއެންްސީއަށް ސޮއިކޮށްފައެވެ. އަހްމަދު ސަބާހަކީ ހިނގަމުންދާ ދައިރުގެ އިހަވަންދު ކައުންސިލުގެ ރައީސެ އެވެ.
