ނަޝީދު މިހެން ވިދާޅުވީ، ރައްޔިތުންގެ މަޖިލީހުގެ ހިތަދޫ ދެކުނު ދާއިރާގެ ބައިއިލެކްޝަނުގައި އެމްޑީޕީން ވާދަކުރައްވާ އަބްދުﷲ ސޯދިގު (ސޯބެ)ގެ ކެމްޕޭން ޓީމުން މިރޭ މާލޭގައި ބޭއްވި ޖަލްސާގައި ވާހަކަފުޅުދައްކަވަމުންނެވެ.
ނަޝީދު ވިދާޅުވީ މި އަހަރު ނިމުމުގެ ކުރިން މި ވެރިކަން ބަދަލުކުރަން ޖެހޭ ކަމަށާއި ރައީސުލްޖުމްހޫރިއްޔާގެ އިތުބާރު ނެތް ކަމަށް ރައްޔިތުންގެ މަޖިލީހުން ފާސްކުރަން ތަނަވަސް އަގުލަބިއްޔަތު ހޯއްދަވާނެ ކަމަށެވެ.
ނަޝީދު ވިދާޅުވި ގޮތުގައި އެކަން ހާސިލު ވާނީ ރައްޔިތުން މަޖިލީހުގެ ހިތަދޫ އުތުރު ދާއިރާގެ ބައި-އިލެކްޝަން އަބްދުﷲ ސޯދިގު (ސޯބެ) ކާމިޔާބު ކުރެވިގެންނެވެ. މީގެ އިތުރުން މި ވެރިކަން ބަދަލުކުރަން ކުރީގެ ރައީސް އަބްދުﷲ ޔާމީން ތައްޔާރަށް ހުންނެވި ކަމަށް ނަޝީދު ވިދާޅުވި އެވެ.
ރައްޔިތުންގެ މަޖިލިހުގައި މިހާރު 93 މެމްބަރުން ތިއްބަވާއިރު ތިންބައިކުޅަ ދެބައި މެމްބަރުންގެ އަދަދަކީ 62 އެވެ. ރައްޔިތުންގެ މަޖިލިހުގައި މިހާރު ސުޕަމެޖޯރިޓީ ޕާޓީއަކީ ސަރުކާރު ހިންގާ ޕާޓީ ޕީއެންސީ ކަމަށް ވާއިރު އެ ޕާޓީގެ މެމްބަރުންގެ އަދަދު 73 އަށް އަރަ އެވެ.
