އެމްއޭސީއެލް އިން މިއަދު ނެރުނު ޓްރެވަލް އެޑްވައިޒަރީއެއްގައި ބުނެފައިވަނީ، ހައްޖުވެރިން އެނބުރި އަންނަ ދުވަސްތަކަކީ ގިނަ އަދަދެއްގެ ބަޔަކު އެމީހުންނަށް މަރުހަބާ ކިޔުމަށް އެއާޕޯޓަށް ޖަމާވާނެ ދުވަސްތަކަކަށް ވާތީ އެއާޕޯޓުގެ ޓްރެފިކަށާއި ޕާކިންއަށް ވަރަށް ބޮޑަށް ބާރު ބޮޑުވާނެ ކަމަށް ލަފާކުރެވޭ ކަމަށެވެ.
އެހެންކަމުން، އެއާޕޯޓަށް ދާ ފަރާތްތަކުން އަމިއްލަ އުޅަނދުތަކުގެ ބަދަލުގައި އެއާޕޯޓް ބަހާއި ފެރީގެ ހިދުމަތް ބޭނުންކުރުމަށް އެ ކުންފުނިން ބާރު އަޅަ އެވެ.
ދިވެހި ހައްޖުވެރިން އެނބުރި ރާއްޖެ އަންނަން ފަށާނީ އަންނަ ހުކުރު ދުވަހުން ފެށިގެންނެވެ. އެ މީހުން އެނބުރި އަންނާނީ މޯލްޑިވިއަން އާއި ސައުދީ އެއާލައިންގެ ފްލައިޓްތަކުގަ އެވެ. މިގޮތުން ހައްޖުވެރިން ރާއްޖެ އައުމަށް ހަމަޖެހިފައިވާ ދުވަސްތަކަކީ:
މިއަހަރު ރާއްޖެއިން ޖުމްލަ 1،019 މީހަކު ހައްޖަށް ދިޔަ އެވެ. އެ އެންމެންގެ ވެސް ހާލު ރަނގަޅު ކަމަށް އިސްލާމިކް މިނިސްޓްރީން ބުނެފައިވެ އެވެ.
